Foto: © Sputnik / Bolat Shaihinov
Qazaqstan halqynyń sany 20 millionǵa jaqyndap qaldy, - dep habarlaidy "Ult aqparat".
Ulttyq statistika biýrosynyń málimetinshe, 2023 jylǵy 1 sáýirdegi jaǵdai boiynsha Qazaqstan halqynyń sany 19 832 737 adam boldy. Onyń ishinde qala turǵyndary – 12 259 453, aýyl turǵyndary – 7 573 284 adam.
Osy jyldyń birinshi toqsanynda elimizde 93,5 myń bala dúniege kelgen (2021 jyly – 100,4 myń, 2022 jyly – 95,6 myń), onyń ishinde 48,4 myńy – ul, 45,1 myńy – qyz.
Týý koeffitsienti – 1 000 adamǵa shaqqanda 19,06 týý. Atalǵan kezeńde qaitys bolǵandar sany 32,6 myń adam boldy (2021 jyly – 36,1 myń, 2022 jyly – 38,1 myń), bul rette, 1 000 adamǵa shaqqanda ólim-jitim koeffitsienti – 6,65. Nátijesinde halyqtyń tabiǵi ósimi 2023 jylǵy 3 aida 60,9 myń adam boldy.
Týýdyń eń joǵary deńgeii Mańǵystaý (1 000 turǵynǵa 26,31 adam), Túrkistan (25,59) oblystarynda jáne Shymkentte (24,37) baiqalǵan.
Al ólim-jitimniń eń joǵary deńgeii Soltústik Qazaqstan (1 000 turǵynǵa shaqqanda 11,53), Shyǵys Qazaqstan (11,12) jáne Qostanai oblystarynda (10,81) baiqalǵan, bul osy oblystar halqynyń jas qurylymyna bailanysty. 3 aida 1 jasqa deiingi 728 náreste qaitys boldy, 1 000 týýǵa shaqqanda náreste óliminiń koeffitsienti 7,78 boldy.
