فوتو: © Sputnik / بولات شايحينوۆ
قازاقستان حالقىنىڭ سانى 20 ميلليونعا جاقىنداپ قالدى, - دەپ حابارلايدى "ۇلت اقپارات".
ۇلتتىق ستاتيستيكا بيۋروسىنىڭ مەلٸمەتٸنشە, 2023 جىلعى 1 سەۋٸردەگٸ جاعداي بويىنشا قازاقستان حالقىنىڭ سانى 19 832 737 ادام بولدى. ونىڭ ٸشٸندە قالا تۇرعىندارى – 12 259 453, اۋىل تۇرعىندارى – 7 573 284 ادام.
وسى جىلدىڭ بٸرٸنشٸ توقسانىندا ەلٸمٸزدە 93,5 مىڭ بالا دٷنيەگە كەلگەن (2021 جىلى – 100,4 مىڭ, 2022 جىلى – 95,6 مىڭ), ونىڭ ٸشٸندە 48,4 مىڭى – ۇل, 45,1 مىڭى – قىز.
تۋۋ كوەففيتسيەنتٸ – 1 000 ادامعا شاققاندا 19,06 تۋۋ. اتالعان كەزەڭدە قايتىس بولعاندار سانى 32,6 مىڭ ادام بولدى (2021 جىلى – 36,1 مىڭ, 2022 جىلى – 38,1 مىڭ), بۇل رەتتە, 1 000 ادامعا شاققاندا ٶلٸم-جٸتٸم كوەففيتسيەنتٸ – 6,65. نەتيجەسٸندە حالىقتىڭ تابيعي ٶسٸمٸ 2023 جىلعى 3 ايدا 60,9 مىڭ ادام بولدى.
تۋۋدىڭ ەڭ جوعارى دەڭگەيٸ ماڭعىستاۋ (1 000 تۇرعىنعا 26,31 ادام), تٷركٸستان (25,59) وبلىستارىندا جەنە شىمكەنتتە (24,37) بايقالعان.
ال ٶلٸم-جٸتٸمنٸڭ ەڭ جوعارى دەڭگەيٸ سولتٷستٸك قازاقستان (1 000 تۇرعىنعا شاققاندا 11,53), شىعىس قازاقستان (11,12) جەنە قوستاناي وبلىستارىندا (10,81) بايقالعان, بۇل وسى وبلىستار حالقىنىڭ جاس قۇرىلىمىنا بايلانىستى. 3 ايدا 1 جاسقا دەيٸنگٸ 728 نەرەستە قايتىس بولدى, 1 000 تۋۋعا شاققاندا نەرەستە ٶلٸمٸنٸڭ كوەففيتسيەنتٸ 7,78 بولدى.
