Ulttyq statistika biýrosy 2021 jyldyń 1 maýsymyndaǵy jaǵdai boiynsha Qazaqstan halqynyń sanyn eseptedi, - dep habarlaidy "Ult aqparat" biýro saityna silteme jasap.
2021 jylǵy 1 maýsymdaǵy jaǵdai boiynsha el halqynyń sany - 18 million 984 myń 800 adam, onyń ishinde qala halqy - 11 million 237 myń (59,2 paiyz), aýyl halqy - 7 million 747 myń 800 adam (40,8 paiyz).
2020 jylǵy 1 maýsymmen salystyrǵanda halyq sany 249 myń adamǵa nemese 1,3 paiyzǵa ósti.
2021 jylǵy qańtar-mamyrda respýblika halqynyń tabiǵi ósimi 2020 jylǵy qańtar-mamyrmen (106,8 myń adam) salystyrǵanda 4,4 paiyzǵa ulǵaidy jáne 111,5 myń adamǵa jetti. Tabiǵi ósimniń jalpy koeffitsienti 1000 turǵynǵa shaqqanda - 14,18 adam.
2021 jylǵy qańtar-mamyrda elge kelgender sany - 3662 adam, elden ketkender sany - 9862 adam, kóshi-qon saldosy - 6200 adam.
Ulttyq statistika biýrosynyń aqparatymen myna silteme boiynsha tanysýǵa bolady.
