ۇلتتىق ستاتيستيكا بيۋروسى 2021 جىلدىڭ 1 ماۋسىمىنداعى جاعداي بويىنشا قازاقستان حالقىنىڭ سانىن ەسەپتەدٸ, - دەپ حابارلايدى "ۇلت اقپارات" بيۋرو سايتىنا سٸلتەمە جاساپ.
2021 جىلعى 1 ماۋسىمداعى جاعداي بويىنشا ەل حالقىنىڭ سانى - 18 ميلليون 984 مىڭ 800 ادام, ونىڭ ٸشٸندە قالا حالقى - 11 ميلليون 237 مىڭ (59,2 پايىز), اۋىل حالقى - 7 ميلليون 747 مىڭ 800 ادام (40,8 پايىز).
2020 جىلعى 1 ماۋسىممەن سالىستىرعاندا حالىق سانى 249 مىڭ ادامعا نەمەسە 1,3 پايىزعا ٶستٸ.
2021 جىلعى قاڭتار-مامىردا رەسپۋبليكا حالقىنىڭ تابيعي ٶسٸمٸ 2020 جىلعى قاڭتار-مامىرمەن (106,8 مىڭ ادام) سالىستىرعاندا 4,4 پايىزعا ۇلعايدى جەنە 111,5 مىڭ ادامعا جەتتٸ. تابيعي ٶسٸمنٸڭ جالپى كوەففيتسيەنتٸ 1000 تۇرعىنعا شاققاندا - 14,18 ادام.
2021 جىلعى قاڭتار-مامىردا ەلگە كەلگەندەر سانى - 3662 ادام, ەلدەن كەتكەندەر سانى - 9862 ادام, كٶشٸ-قون سالدوسى - 6200 ادام.
ۇلتتىق ستاتيستيكا بيۋروسىنىڭ اقپاراتىمەن مىنا سٸلتەمە بويىنشا تانىسۋعا بولادى.
