Qazaqstanda halyq sany 2017 jylǵy 1 qyrkúiektegi esep boiynsha 18 074,1 myń adamǵa jetti, 2016 jyldyń 1 qyrkúiegimen salystyrǵanda 232,5 myń adamǵa kóbeiip, ósim 1,3%-ti qurady, dep habarlaidy "Ut aqparat" Qazaqstan Respýblikasy Ulttyq ekonomika ministrliginiń Statistika komitetine silteme jasap.
Esepti kezeńde Qazaqstanda qala halqynyń sany 10 367,4 myń adam (jalpy halyq sanynyń 57,4%-i), aýyl halqynyń sany 7706,7 myń adam (42,6%) bolǵan.
Azamattyq ahýaldy tirkeý organdarynyń bergen málimetterdi óńdeý nátijesinde aǵymdaǵy jyldyń qańtar-tamyz ailarynda 257,5 sábi dúniege kelgeni anyqtaldy, bul kórsetkish 2016 jyldyń osy kezeńimen salystyrǵanda 6,5%-ke az. 1 myń adamǵa shaqqanda jalpy týý koeffitsienti 21,45-ti quraidy.
Respýblika halqynyń tabiǵi ósimi osy kezeńde 2016 jyldyń qańtar-tamyzymen salystyrǵanda 17,3 myń adamǵa nemese 9,3%-ke qysqaryp, 169,4 myń adamdy kórsetti. Halyq sanynyń tabiǵi ósý koeffitsienti 1 adamǵa shaqqanda 14,11 adam boldy.
Osy esepti kezeńde 88,1 myń adam qaitys boldy, bul 2016 jyldyń qańtar-tamyzyndaǵy kórsetkishten 0,8%-ke az degen sóz. 1 myń adamǵa shaqqandaǵy jalpy ólim koeffitsienti 7,34-ti qurady.
2017 jyldyń qańtar-tamyzynda respýblikada 1 jasqa deiingi balalardyń 2140 ólimi tirkeldi, iaǵni 2016 jyldyń osy kezeńimen salystyrǵanda bul kórsetkish 13,7%-ke qysqarǵan.
