قازاقستاندا حالىق سانى 2017 جىلعى 1 قىركٷيەكتەگٸ ەسەپ بويىنشا 18 074,1 مىڭ ادامعا جەتتٸ, 2016 جىلدىڭ 1 قىركٷيەگٸمەن سالىستىرعاندا 232,5 مىڭ ادامعا كٶبەيٸپ, ٶسٸم 1,3%-تٸ قۇرادى, دەپ حابارلايدى "ۇت اقپارات" قازاقستان رەسپۋبليكاسى ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸنە سٸلتەمە جاساپ.
ەسەپتٸ كەزەڭدە قازاقستاندا قالا حالقىنىڭ سانى 10 367,4 مىڭ ادام (جالپى حالىق سانىنىڭ 57,4%-ٸ), اۋىل حالقىنىڭ سانى 7706,7 مىڭ ادام (42,6%) بولعان.
ازاماتتىق احۋالدى تٸركەۋ ورگاندارىنىڭ بەرگەن مەلٸمەتتەردٸ ٶڭدەۋ نەتيجەسٸندە اعىمداعى جىلدىڭ قاڭتار-تامىز ايلارىندا 257,5 سەبي دٷنيەگە كەلگەنٸ انىقتالدى, بۇل كٶرسەتكٸش 2016 جىلدىڭ وسى كەزەڭٸمەن سالىستىرعاندا 6,5%-كە از. 1 مىڭ ادامعا شاققاندا جالپى تۋۋ كوەففيتسيەنتٸ 21,45-تٸ قۇرايدى.
رەسپۋبليكا حالقىنىڭ تابيعي ٶسٸمٸ وسى كەزەڭدە 2016 جىلدىڭ قاڭتار-تامىزىمەن سالىستىرعاندا 17,3 مىڭ ادامعا نەمەسە 9,3%-كە قىسقارىپ, 169,4 مىڭ ادامدى كٶرسەتتٸ. حالىق سانىنىڭ تابيعي ٶسۋ كوەففيتسيەنتٸ 1 ادامعا شاققاندا 14,11 ادام بولدى.
وسى ەسەپتٸ كەزەڭدە 88,1 مىڭ ادام قايتىس بولدى, بۇل 2016 جىلدىڭ قاڭتار-تامىزىنداعى كٶرسەتكٸشتەن 0,8%-كە از دەگەن سٶز. 1 مىڭ ادامعا شاققانداعى جالپى ٶلٸم كوەففيتسيەنتٸ 7,34-تٸ قۇرادى.
2017 جىلدىڭ قاڭتار-تامىزىندا رەسپۋبليكادا 1 جاسقا دەيٸنگٸ بالالاردىڭ 2140 ٶلٸمٸ تٸركەلدٸ, ياعني 2016 جىلدىڭ وسى كەزەڭٸمەن سالىستىرعاندا بۇل كٶرسەتكٸش 13,7%-كە قىسقارعان.
