Qazaqstan halqy Assambleiasy «Qazaqtaný» jańa jobasyn júzege asyrýdy usyndy, dep habarlaidy QazAqparat tilshisi.
"Rýhani jańǵyrý" baǵdarlamasy qazaq halqynyń rýhani ásemdigi men ishki jan dúniesi tereńdiginiń barsha keńistigin kórsetti. Dáýirler tirilip, eskertkishter sóiledi. Qazaq halqynyń danalyǵy biryńǵai halyqty bailanystyrýshy negiz bolyp otyr. Assambleia «Qazaqtaný» jańa jobasyn usynyp otyr, bul óz kezeginde barsha qazaqstandyqtarǵa qazaq mádenietiniń, tarihynyń, filosofiiasynyń biriktirýshi kúshi, qazaq halqynyń qundylyqtary jóninde túsinik berý úshin jasalýda. Osy oraida bizdiń filosoftar, jazýshylar, oishyldar bul jaiynda árbir Dostyq úiinde, mádeniet úiinde aityp júrgeni durys», - dedi Assambleia múshesi, Shymkent Oqýshylar saraiynyń direktory Natalia Romanova QHA-nyń XXVI sessiiasynda.
Sonymen qatar ol Prezidenttiń Bes áleýmettik bastamasynyń mańyzdylyǵyna toqtaldy.
«Nursultan Ábishuly, men úshin jáne Ońtústik Qazaqstan oblysyndaǵy 80 myń pedagog úshin Sizdiń áleýmettik bastamalaryńyz úlken qýanysh syilady. Sebebi sońǵy 18 jylda Shymkent turǵyndary eki esege artty. Kóptegen turǵyndar úshin jeke baspanaǵa qol jetkizý armanǵa ainalǵan edi. Al «7-20-25» baǵdarlamasynyń arqasynda Siz bul armannyń júzege iske asýyna jol ashtyńyz. Nursultan Ábishuly, kóptegen otbasylar úshin otbasylyq baqyttyń jańa formýlasyn jazyp berdińiz. 7 sany - ol otbasy; 20 - bul jańa baspana alatyn jas; 25 - jeke baspanada jańa urpaqty tárbieleý merzimi», - dedi Natalia Romanova.
