«Qazaqstan halqyna» qory tirek-qozǵalys apparatynda aqaýy bar balalardy robottandyrylǵan qurylǵylarmen (ekzoskelet) qamtamasyz etý boiynsha qaiyrymdylyq baǵdarlamasyn iske qosty, dep habarlaidy QazAqparat.
Baǵdarlama balalarǵa tiimdi ońaltý, osy diagnozdarmen qatar paida bolatyn aýrýlardyń damý qaýpin azaitý, fizikalyq jáne psiho-emotsionaldyq ál-aýqatyn jaqsartý múmkindigin beredi. Bul balalardyń qoǵamda áleýmettenýi úshin óte mańyzdy.
Tehnikalyq ońaltý quraldaryn, onyń ishinde ekzoskeletterdi balalary úshin qajet etetin ata-analardan 300-den astam ótinish kelip tústi.
Baǵdarlama aiasynda jyl sońyna deiin 13 ekzoskelet shyǵarý josparlansa, onyń 4-eýi boiynsha ólsheý júrgizilip, óndiris protsesi iske qosyldy.
Ekzoskelet – tserebraldy sal aýrýy, mi jaraqaty, julyn jaraqattary, paraplegiia, bulshyqet distrofiiasy, Rett sindromy jáne basqa da aýrýlarmen aýyratyn balalardyń óz betinshe qozǵalýyna kómektesetin zamanaýi, joǵary tehnologiialyq jáne tiimdi ońaltý quraly.
Aita ketý kerek, árbir ekzoskelet bala úshin onyń parametrlerin eskere otyryp, jeke ázirlenedi, bul eń birinshi qoldanýdaǵy tiimdilik pen paidalanýdaǵy qarapaiymdylyqty arttyrady.
Bir ekzoskelettiń salmaǵy - 25 keli.
Balalardy ońaltý ulttyq ortalyǵynyń bazasynda naýqastyń ekzoskeletiniń qajettiligi týraly qorytyndy shyǵaratyn kóp beiindi top quryldy.
Qor «Qazaqstannyń 100 jańa tulǵasy» jobasynyń jeńimpazy Máýlen Bekturǵanov negizin qalaǵan ekzoskeletterdi shyǵaratyn otandyq «MBionics» JShS-men kelisim-shartqa otyrdy.
Ońaltý jospary mekemeleriniń jumys úlgilerin jobalaý Astana qalasynyń Meditsina ýniversitetimen tyǵyz bailanysta júzege asyrylady.
13 balany ekzoskeletpen qamtamasyz etý úshin «Qazaqstan halqyna» qory 117 million teńge bólip otyr.
