Qostanai oblysynda orman órtinen zardap shekken azamattarǵa «Qazaqstan halqyna» qory atynan kómek kórsetiledi. Bul týraly qordyń basqarma tóraǵasy Bolat Jámishev málim etti, dep habarlaidy QazAqparat.
«Qostanai oblysyndaǵy tótenshe jaǵdai boiynsha biz jaǵdaidy baqylap, ákimdikpen bailanystamyz. Jalpy, qoǵam qostanailyqtarǵa kómek kórsetý boiynsha aýyzbirshiligimiz bir ekenin taǵy bir dáleldedi. Bizdiń qor órtten zardap shekken qostanailyqtarǵa kómekti úilerdi salyp bolǵannan keiin kórsetedi, iaǵni jańa úilerge turmys zattaryn alýǵa qolǵa ushyn sozamyz. Óńir ákimi bizdiń usynymyzdy qoldap otyr», - dedi Bolash Jámishev elordada ótken baspasóz máslihatynda.
Sondai-aq, qor jańa úilerdi infraqurylymmen qamtýǵa da qarjy bólmek.
Búgin elordada jurtshylyq nazaryna «Qazaqstan halqyna» qorynyń jańartylǵan jumys tujyrymdamasy usynyldy.
