Elimizde bulshyqet atrofiiasy (SMA) jáne Diýshen sindromy bar 22 adamǵa kómek kórsetiledi. Bul týraly «Qazaqstan halqyna» qoǵamdyq qory tóraǵasynyń orynbasary Lázzat Shyńǵysbaeva aitty, dep habarlaidy QazAqparat.
«Bulshyqet atrofiiasy (SMA) jáne Diýshen sindromy bar 20 bala men 2 eresek adamǵa dári-dármek satyp alýǵa arnalǵan kelisimshart qol qoiý kezeńinde», - dedi L. Shyńǵysbaeva Ortalyq kommýnikatsiialar qyzmetinde.
Taratylǵan málimetke qaraǵanda, jaqyn arada Mýkovistsidoz diagnozy qoiylǵan 16 balaǵa dári-dármek satyp alýǵa qarjylandyrý júrgiziledi.
Munymen qosa, julyn bulshyqetteriniń atrofiiasy bar 4 balaǵa Qazaqstanda tirkelmegen qymbat turatyn Onasemnogen abeparvovec (Zolgensma) preparatyn satyp alý týraly sheshim qabyldandy. Aita keteiik, qazir tórt naýqasqa da dári-dármek berildi.
Lázzat Shyńǵysbaevanyń aitýynsha, Máskeý qalasynda BQO turǵynyn hirýrgiialyq emdeýdi uiymdastyrýǵa qaiyrymdylyq kómek jáne Atyraý oblysynan týa bitken júrek aqaýynyń asa aýyr túrimen aýyratyn balany Koreianyń Seýl qalasyndaǵy meditsinalyq mekemege jetkizýge kómek kórsetildi.
Qaiyrymdylyq kómek kórsetýdi jalǵastyra otyryp, Qor kelesi baǵyttar boiynsha jobalar men baǵdarlamalardy júzege asyrýǵa kirisedi. Densaýlyq saqtaý salasynda:
- Orfandyq dertke shaldyqqan naýqastardy dári-dármekpen qamtamasyz etý jobasy;
- meditsinalyq uiymdardy oftalmologiialyq, aýdiologiialyq skriningter men aýrýlardy erte diagnostikalaý úshin jabdyqtarmen qamtamasyz etý baǵdarlamalary;
- Aǵzalar men tinderdi transplantatsiialaýǵa, onkologiialyq jáne onkogematologiialyq patologiialarǵa muqtaj naýqastarǵa qaiyrymdylyq kómek kórsetý jobalary;
- múgedekterdi (balalar men eresekterdi), atap aitqanda, bionikalyq protezderi barlardy ońaltý úshin tehnikalyq quraldarmen qamtamasyz etý baǵdarlamalary.
