Qazaqstan halqyna qory arqyly omyrtqa bulshyqetiniń artrofiiasyna qoldanylatyn Zolgensma preparatyn alǵan naýqastardyń aty-jóni belgili boldy, dep habarlaidy QazAqparat.
«Ótken aptada álemdeggi eń qymbat jáne Qazaqstan aýmaǵynda tirkelmegen Zolgensma preparaty tuńǵysh ret elimizde omyrtqa bulshyqetiniń atrofiiasy diagnozy bar naýqasqa qoldanyldy. Birinshi bolyp dárini omyrtqa bulshyqetiniń atrofiiasy diagnozymen dúniege kelgen tórt ailyq Ainamkóz Aisina aldy. Dárini aǵzaǵa engizý jáne ońaltý sharasy sátti ótti. Qazir náreste týǵan qalasynda. Biz onyń otbasyna habarlastyq. Dári qabyldaǵannan keiin sábidiń jaǵdaiy turaqtanǵan», - deidi «Qazaqstan halqyna» qorynyń ókili Aikerim Esenáli.
Odan bólek Fatima Asqar esimdi naýqas ta atalǵan dárini qoldaný múmkindigine ie bolǵan.
«Ol osy aptanyń sońyna deiin «Novartis» kompaniiasynan satyp alǵanǵan Zolgensma preparatynyń eki ekpesin alýǵa tiis. Amina Súleimen men Aisezim Jańbyrbaiǵa da osy dári salynady», - dep jazylǵan qordyń baspasóz qyzmeti usynǵan málimette.
QR Densaýlyq saqtaý ministrligi Ulttyq ana men bala ortalyǵyn jáne «University Medical Center» korporativtik qorynyń meditsina ortalyǵyn «Qazaqstan halqyna» qory arqyly satyp alynǵan Zolgensma dárisin tiisti 4 balanyń aǵzasyna engizetin mekeme retinde belgilegen.
Shveitsariianyń Novartis kompaniiasy shyǵaratyn Zolgensma preparaty Ginnestiń rekordtar kitabynda álemdegi eń qymbat dári bolyp tirkelgen.
