قازاقستان حالقىنا قورى ارقىلى ومىرتقا بۇلشىقەتٸنٸڭ ارتروفيياسىنا قولدانىلاتىن Zolgensma پرەپاراتىن العان ناۋقاستاردىڭ اتى-جٶنٸ بەلگٸلٸ بولدى, دەپ حابارلايدى قازاقپارات.
«ٶتكەن اپتادا ەلەمدەگگٸ ەڭ قىمبات جەنە قازاقستان اۋماعىندا تٸركەلمەگەن Zolgensma پرەپاراتى تۇڭعىش رەت ەلٸمٸزدە ومىرتقا بۇلشىقەتٸنٸڭ اتروفيياسى دياگنوزى بار ناۋقاسقا قولدانىلدى. بٸرٸنشٸ بولىپ دەرٸنٸ ومىرتقا بۇلشىقەتٸنٸڭ اتروفيياسى دياگنوزىمەن دٷنيەگە كەلگەن تٶرت ايلىق اينامكٶز ايسينا الدى. دەرٸنٸ اعزاعا ەنگٸزۋ جەنە وڭالتۋ شاراسى سەتتٸ ٶتتٸ. قازٸر نەرەستە تۋعان قالاسىندا. بٸز ونىڭ وتباسىنا حابارلاستىق. دەرٸ قابىلداعاننان كەيٸن سەبيدٸڭ جاعدايى تۇراقتانعان», - دەيدٸ «قازاقستان حالقىنا» قورىنىڭ ٶكٸلٸ ايكەرٸم ەسەنەلٸ.
ودان بٶلەك فاتيما اسقار ەسٸمدٸ ناۋقاس تا اتالعان دەرٸنٸ قولدانۋ مٷمكٸندٸگٸنە يە بولعان.
«ول وسى اپتانىڭ سوڭىنا دەيٸن «نوۆارتيس» كومپانيياسىنان ساتىپ العانعان Zolgensma پرەپاراتىنىڭ ەكٸ ەكپەسٸن الۋعا تيٸس. امينا سٷلەيمەن مەن ايسەزٸم جاڭبىربايعا دا وسى دەرٸ سالىنادى», - دەپ جازىلعان قوردىڭ باسپاسٶز قىزمەتٸ ۇسىنعان مەلٸمەتتە.
قر دەنساۋلىق ساقتاۋ مينيسترلٸگٸ ۇلتتىق انا مەن بالا ورتالىعىن جەنە «University Medical Center» كورپوراتيۆتٸك قورىنىڭ مەديتسينا ورتالىعىن «قازاقستان حالقىنا» قورى ارقىلى ساتىپ الىنعان Zolgensma دەرٸسٸن تيٸستٸ 4 بالانىڭ اعزاسىنا ەنگٸزەتٸن مەكەمە رەتٸندە بەلگٸلەگەن.
شۆەيتسارييانىڭ Novartis كومپانيياسى شىعاراتىن Zolgensma پرەپاراتى گيننەستٸڭ رەكوردتار كٸتابىندا ەلەمدەگٸ ەڭ قىمبات دەرٸ بولىپ تٸركەلگەن.
