Qazaqstan halqy Assambleiasynyń XXIX sessiiasynyń Úndeýi qabyldandy, dep habarlaidy "Ult aqparat".
«30 jyl buryn Táýelsizdikke alǵash qol jetkizgennen bastap halqymyz, Qazaqstannyń Tuńǵysh Prezidenti – Elbasy Nursultan Ábishuly Nazarbaevtyń kemel basshylyǵymen, qoǵamdyq kelisim men jalpyulttyq birlikti – el damýynyń basty ustanymy retinde tańdady. Bul qaǵidat – tabysty da aýqymdy áleýmettik-ekonomikalyq reformalardyń, saiasi júieni úzdiksiz demokratiialandyrýdyń, ulttyń áleýmettik kapitalyn damytýdyń myzǵymas irgetasyna ainaldy. «Qazaqstandyq jol» – patriotizm joly, turaqtylyq pen halyq igiligine baǵyttalǵan reformalar joly retinde álemge tanymal boldy. Nátijesinde, Qazaqstan básekege qabiletti naryqtyq ekonomikasy bar, zamanaýi memlekettik qurylymy jáne damyǵan azamattyq qoǵamy bar, álem moiyndaǵan – qalyptasqan memleketke ainaldy», - delingen Úndeýde.
Sonymen qatar onda Elbasy Nursultan Nazarbaevtyń saiasi erik-jigeriniń arqasynda Táýelsizdik jyldary elimizde barsha azamattar quqyqtarynyń shynaiy teńdigi qamtamasyz etilgeni atap ótilgen. Olardyń áleýmettik, etnostyq jáne dini ereksheligine qaramastan, bolashaǵy birtutas ult qalyptasty jáne ol jyldan-jylǵa nyǵaiyp keledi.
«Táýelsizdikti, eldegi tatýlyq pen kelisimdi kúsheitýde Elbasynyń bastamasymen qurylǵan Qazaqstan halqy Assambleiasynyń qyzmeti airyqsha. Jalpyhalyqtyq institýtqa ainalǵan Assambleia – qundylyqtar men azamattyq ustanymdardyń tutastyǵyn nyǵaitty jáne ortaq maqsattar men mindetter aiasynda el turǵyndarynyń myzǵymas birligin qamtamasyz etip keledi. Assambleia azamattyq qoǵamnyń tiimdi institýtyna ainaldy, konstitýtsiialyq mártebege ie boldy jáne eldiń joǵarǵy zań shyǵarýshy organyna depýtattar sailaý quqyǵyn aldy. Assambleia sessiialarynda el tutastyǵyn saqtaýda tarihi mańyzy zor El birligi doktrinasy, «Máńgilik El» jalpyulttyq patriottyq ideiasy, «Rýhani jańǵyrý» baǵdarlamasy syndy strategiialyq jáne baǵdarlamalyq qujattar búkilhalyqtyq qoldaýǵa ie boldy. Búgingi tańda Assambleia jalpyulttyq toptastyrýshy faktor jáne etnosaralyq qatynas quraly retinde memlekettik tildi damytý men qoldanys aiasyn keńeitý jónindegi jumysty jalǵastyrýda», - dep jazylǵan qabyldanǵan qujatta.
Munymen qosa onda Assambleia qyzmetiniń arqasynda elimizdiń etnostyq jáne mádeni san alýandyǵy damýdyń jáne reformalardyń mańyzdy faktoryna ainalǵany atalyp ótken.
«Biz Elbasynyń tatýlyq pen kelisimniń qazaqstandyq biregei modelin qurýdaǵy tarihi rólin airyqsha atap ótemiz. Assambleia – barlyq azamattardyń ómir súrý sapasyn arttyrý jáne ulttyń adami áleýetin nyǵaitý, ádiletti qoǵam men tiimdi memleket qurý baǵytyndaǵy Prezident Qasym-Jomart Toqaev belgilegen damýdyń jalpyulttyq basymdyqtaryn iske asyrý boiynsha jumysty jandandyrýǵa shaqyrady. Biz, Táýelsizdik pen birlikti nyǵaita otyryp, Otanymyz – Qazaqstan Respýblikasynyń tabysty damýy men órkendeýine qol jetkizetinimizge nyq senim bildiremiz!», - delingen Úndeýde.
Aita keteiik, búgin Qazaqstan halqy Assambleiasynyń HIH sessiiasynda QR Tuńǵysh Prezidenti – Elbasy Nursultan Nazarbaev QHA tóraǵasy laýazymynan bas tartty.
QHA Tóraǵasy laýazymy Qasym-Jomart Toqaevqa tapsyryldy.
