20 qyrkúiekte ZOOM platformasynda «Qazaqstan halqy Assambleiasyna 25 jyl - 25 igi is» atty videolektsiia kýrsynyń tanystyrylymy ótti. Almaty oblystyq orys etnomádeni ortalyǵy «Jalpy azamattyq biregeilikti qalyptastyrý jáne etnomádeni birlestikter arasynda qazaqstandyq patriotizmdi damytý» jobasyn «Aqparat jáne qoǵamdyq damý ministrliginiń» qoldaýymen «Azamattyq bastamalardy qoldaý ortalyǵy» KEAQ grantty sheńberinde júzege asyrdy.
Qazaqstan Respýblikasy Parlamenti Májilisi Tóraǵasynyń orynbasary, Qazaqstan Respýblikasynyń orys, slavian jáne kazak uiymdary qaýymdastyǵynyń tóraǵasy Vladimir Bojko qatysýshylarǵa quttyqtaý sóz sóiledi. Ol óz sózinde etnomádeni birlestikter úshin mundai jobalardyń mańyzdylyǵyn atap ótti. Pandemiia jaǵdaiynda biregeilikti saqtaý, ásirese jastar arasynda airyqsha mańyzdy.
Beine dárister keisin qurý boiynsha shyǵarmashylyq toptyń jetekshisi, L.N.Gýmilev atyndaǵy eýraziia ulttyq ýniversitetiniń saiasattaný kafedrasynyń professory, QHA ǵylymi-sarapshylyq keńesiniń múshesi N.Kalashnikova basty taqyryp Qazaqstan halqy Assambleiasynyń 25 jyldyǵy, onyń qalyptasý tarihy, polietnikalyq Qazaqstannyń damýy, etnosaralyq qatynastar salasyndaǵy perspektivaly tendentsiialardy jalpylaý ekenin atap ótti.
Dáris taqyryptary – QHA-nyń jáne onyń infraqurylymynyń negizgi kezeńderi: «QHA (1995-2020 jj.): Bastaýy jáne perspektivaly tendentsiialar»; «Abai - Qazaqstannyń ulttyq brendi»; «QHA-nyń jobalary, qazaqstandyq biregeilik pen patriotizmdi nyǵaitý» - 2 bólim; «Qaiyrymdylyq jáne etnikalyq volonterlik: EKO úshin inkliýzivti múmkindikter»; «Ulttyq sanany nyǵaitýdaǵy kafedralar men QHA kafedralary qaýymdastyǵynyń róli».
Dárister Qazaqstan Respýblikasynyń Tuńǵysh Prezidenti N.Nazarbaevtyń memleket qurý men ony damytýdaǵy rólin kórsetedi. Sondai-aq Prezident Q.Toqaev «Ult birligi - onyń áralýandyǵy» qaǵidaty boiynsha júrgizgen Qazaqstan qoǵamyn odan ári jańǵyrtýdyń zamanaýi baǵytyn aiqyndaidy.
«Úsh negizgi baǵytta dárister oqylady. Birinshisi - imidjdik joba, bul komandanyń memleket, saiasi júiede jáne qoǵamdyq qyzmettegi reformalardyń belsendi qatysýshysy bolyp tabylatyn konstitýtsiialyq organ retindegi QHA-nyń 25 jyldyq tarihyndaǵy negizgi kezeńder men trekterdi beineleýge qosqan úlesi. Ekinshiden, etnomádeni birlestikterdiń, ulttyq máselelerdi sheshýge etnomádeni qoǵamdastyqtyń belsendi aralasýymen Qazaqstandaǵy qoǵamdyq kelisimdi, konsolidatsiia men ulttyq birlikti qamtamasyz etý men nyǵaitý jónindegi etnomádeni birlestikterdiń, azamattyq qoǵam institýttarynyń missiiasyn kórsetý. Úshinshiden, osy beine dáristerdiń ǵylymi, bilim berý jáne tárbielik qyzmeti, onyń kómegimen bilim berý baǵdarlamalaryn, ǵylymi mazmunyn, áleýmettik mańyzy bar jobalardy keńeitýge jáne ártaraptandyrýǵa bolady. Jastardy qamtýǵa múmkindikter kóp. Bul beibitshilik pen jasampazdyq ideiasyn, onyń ishinde aimaqtyq deńgeide zertteý men tájiribeden ótkizýdiń orasan zor múmkindigi», - dep atap ótti kontent jasaýshylar.
Ázirleýshilerdiń shyǵarmashylyq toby - bastamashylar, onyń quramyna tájiribeli ǵalymdar, shyǵarmashyl jastar men bes ult ókili - qazaq, orys, qyrǵyz, ýkrain, belarýstar kirdi. Komandada kásibi jýrnalister, rejisserler, operatorlar, diktorlar bolmasa da, jańa nárse jasaýǵa degen qulshynys zor. Beine dárister qazaq jáne orys tilderinde daiyndalady, árqaisysy 20-30 minýttan turady. Sonymen qatar olar CD-ge jazylyp, prezentatsiia túrinde basylyp shyǵaryldy.
Tusaýkeserde qazaqstandyq sarapshylar, praktikter, etnomádeni qoǵamdastyqtyń ókilderi, sondai-aq sheteldik qonaqtar usynys-tilekterin bildirdi. Djavaharlal Nerý atyndaǵy Úndistan ýniversitetiniń professory Pýnit Gaýr óz tájiribesin bólisip, ári qaraiǵy birlesken jumysqa tilektestik bildirdi. Ol dáristerdi aǵylshyn tiline aýdarýdy usyndy.
Onlain-prezentatsiiaǵa 100-den astam belsendi qoldanýshy qatysty, olardyń arasynda Qazaqstan halqy Assambleiasynyń UEK músheleri, QHA, Dostyq úileri bólimderiniń basshylary, etnomádeni birlestikterdiń ókilderi boldy. Qatysýshylar osyndai tiimdi jumys formatyn jalǵastyrýǵa tilek bildirdi. Barlyq dáristerdi Almaty oblystyq orys etnomádeni ortalyǵynyń YouTube arnasy arqyly kórýge bolady.
