Búgin Qazaqstan Respýblikasynyń Memlekettik hatshysy Qyrymbek Kósherbaevtyń qatysýymen Qazaqstan Respýblikasy Táýelsizdiginiń 30 jyldyǵy men Alǵys aitý kúniniń belgilengenine 5 jyl tolýyna arnalǵan Qazaqstan halqy Assambleiasynyń dóńgelek ústeli ótti, dep habarlaidy Aqorda.
Is-sharaǵa QR Aqparat jáne qoǵamdyq damý ministri Aida Balaeva, Qazaqstan halqy Assambleiasy Tóraǵasynyń orynbasarlary M.Bekbaeva men Z.Kýziev, Qazaqstan halqy Assambleiasynyń QR Parlamenti Májilisindegi depýtattary, Nur-Sultan, Almaty, Shymkent qq. men oblystar ákimderiniń orynbasarlary, QHA músheleri, etnomádeni birlestikteri men jastar qanatynyń ókilderi jáne t.b. qatysty.
Dóńgelek ústel barysynda qatysýshylar Táýelsizdiktiń 30 jyldyǵy men Qazaqstannyń Tuńǵysh Prezidenti – Elbasy belgilegen Alǵys aitý kúniniń 5 jyldyǵynyń biriktirýshi mańyzyn, qazaqstandyq qundylyqtar - ulttyq birlik pen kelisimdi, qoǵamdyq yntymaqtastyq pen ózara qoldaýdy, dostyq dástúrlerin jańa urpaqqa jetkizýdi beineleitinin talqylady.
Is-sharany asha otyryp, Memlekettik hatshy biyl Táýelsizdigimizdiń 30 jyldyǵyn atap óte otyryp, Alǵys aitý kúnine erekshe mán-maǵyna berilip otyrǵanyn basa aitty. Biz táýelsiz Qazaqstannyń qurylýy men damýynyń bastaýlarynda bolǵan adamdarǵa airyqsha alǵysymyzdy bildirgimiz keledi.
Eń aldymen, biz ata-babalarymyzdyń azattyq pen egemendik týraly ǵasyrlar boiǵy armanyn júzege asyrǵany úshin Tuńǵysh Prezidentimiz – Elbasy Nursultan Ábishuly Nazarbaevqa tereń alǵysymyzdy bildirýimiz kerek.
Qyrymbek Kósherbaev zamanaýi syn-qaterlerge beiimdelgen sapaly jańa ulttyq biregeilikti qalyptastyrýdyń qazirgi zamanǵy jaǵdaiynda el Prezidenti Qasym-Jomart Toqaevtyń saiasi jáne ekonomikalyq reformalarmen qatar qoǵamdyq sanany jańǵyrtýǵa erekshe kóńil bólip otyrǵanyn atap ótti.
Mysaly, bizdiń qoǵamdy rýhani jańǵyrtýdyń mańyzdy baǵyty saiasi qýǵyn-súrgin qurbandaryn tolyq aqtaý jónindegi aýqymdy jumystardy aiaqtaý bolýy kerek. Totalitarizmnen zardap shekken kóptegen halyqtar úshin qazaq jeri naǵyz baspanaǵa ainaldy. Tarihi ádilettilikti qalpyna keltirý, ádiletsiz sottalǵandardyń adal esimin qaitarý – mine, biz ózimizge rizashylyq bildiretin urpaqtardyń jadynda osyny qaldyrýymyz kerek.
Bul sondai-aq, asharshylyqtyń qaiǵyly saldaryna, «Alash» qozǵalysynyń jetekshilerin joiýǵa, kóptegen shynaiy patriottardyń taǵdyryna, halqymyzdyń tarihyn burmalaý áreketterine de qatysty.
Sóz sońynda Memlekettik hatshy qazaqstandyqtarǵa árqaisynyń igiligi men elimizdiń órkendeýi jolynda kúndelikti eńbekteri úshin alǵys bildirdi.
Sondai-aq «Tuńǵysh Prezident jolymen – beibitshilik pen kelisimge 30 jyl» halyq ekspeditsiiasy» QHA jobasynyń jáne «Qaiyrymdylyq kerýeni: 30 igi is» qaiyrymdylyq marafonynyń tusaýkeseri ótip, bilim jáne densaýlyq, azamattyq qoǵam salasynyń, etnomádeni birlestikterdiń ókilderi men stýdentter sóz sóiledi.
Respýblika Prezidentiniń 2016 jylǵy 14 qańtardaǵy №173 jarlyǵymen Qazaqstanda Alǵys aitý kúni belgilendi.
QR Tuńǵysh Prezidenti – Elbasy Nursultan Nazarbaev Qazaqstan halqy Assambleiasynyń XXII sessiiasynda «qazirgi Qazaqstandy mekendegen etnostyq toptardyń ortaq tarihi taǵdyry halyqtyń dilinde, onyń ómirlik kózqarastary men umtylystarynda jaǵymdy kórinis taýyp, barlyq etnostarǵa ortaq qundylyqtar men idealdardy qalyptastyrǵanyn» atap ótti.
Kóp etnosty Qazaqstan halqynyń qalyptasý tarihyn asha otyryp, Elbasy Alǵys aitý kúni týraly: «Qazaqstan halqy Assambleiasy qurylǵan kún – 1 naýryzdy jyl saiyn Barlyq etnostardyń bir-birine meiirbandyq tanytyp, ol adamdardy óz týǵanyndai qabyldaǵan qazaqtarǵa alǵys aitý kúni retinde atap ótý ádiletti bolar edi. Ol kún bizdi burynǵydan da góri jaqyndastyra túspek. Bul kún meiirimdiliktiń, búkil qazaqstandyqtardyń bir-birine degen dostyǵy men mahabbatynyń jarqyn merekesi bola alar edi», – degen usynys jasaǵan bolatyn.
