Qazaqstan halqy Assambleiasynyń Keńesi Prezident tapsyrmalaryn iske asyrý jóninde málimdeme jasady, dep habarlaidy "Ult aqparat".
31 naýryzda Prezident Qasym-Jomart Toqaev Qazaqstan halqyna azamattardy jáne biznesti qoldaý sharalary týraly úndeý jasaǵan edi.
«Bul úndeý munai baǵasy men koronavirýs pandemiiasy áserinen týyndaǵan álemdik ekonomikalyq «týrbýlenttiktiń» buryn-sońdy bolmaǵan kúrdeli jaǵdaiynda aityldy. BUU Bas hatshysy A. Gýterresh bul jaǵdaidy Ekinshi dúniejúzilik soǵystan keiingi kezeńdegi eń kúrdeli daǵdarys dep atady jáne bul jai ǵana sóz emes. Boljam boiynsha, álemde 25 million adam jumysynan aiyrylyp, ekonomikalyq bailanystar kúrdelenedi, biznes turalap, jańa kedergiler paida bolady. Álem kóz ilespes jyldamdyqpen ózgerýde», - delingen resmi málimdemede.
Osyndai kúrdeli jaǵdaida Memleket basshysy eldiń áleýmettik-ekonomikalyq damý qarqynyn jiti qadaǵalap, halyqtyń eń shuǵyl qajettilikterine der kezinde nazar aýdarady.
«Prezident Q. Toqaevtyń basshylyǵymen Qazaqstan jappai taralǵan indettiń aldyn alý sharalaryn ýaqytynda qabyldady, Tuńǵysh Prezident - Elbasy N.Á. Nazarbaevtyń bastamasymen qurylǵan QR Ulttyq qory – «qaýipsizdik belbeýi» tiimdi jumys isteidi. Qazaqstan Ata zańda belgilengen áleýmettik memleket týraly konstitýtsiialyq normany senimdi jáne múltiksiz oryndaidy», - deidi QHA keńesi.
Prezident Q. Toqaev zeinetaqy men memlekettik járdemaqyny, ataýly áleýmettik kómekti jyldyq 10%-ǵa indeksatsiialaýdy tapsyrdy. Barlyq azamattardyń mindetti áleýmettik meditsinalyq saqtandyrý júiesindegi meditsinalyq kómek alý quqyǵy 1 sáýirden 1 shildege deiin uzartylady.
Qazaqstan halqy Assambleiasy Memleket basshysynyń málimdemesin tutastai jáne tolyǵymen qoldai otyryp, olardy iske asyrýǵa jan-jaqty azamattyq qoldaý kórsetý qajettigin málimdeidi.
«Biz osyndai sátte jaýapkershilikti tek memleketke ǵana aýdara salýǵa quqyǵymyz joq. Mejelengen nátijege qol jetkizý árbir azamattyń búgingi tańda karantindik sharalardy qatań saqtaýynan bastalady. Bizdiń bul iske azamattyq atsalysýymyzdyń kelesi vektory Prezidenttiń jańa bastamalaryn iske asyrýǵa belsendi járdemdesýge baǵyttalýy tiis», - deidi Assambleia.
QHA músheleri karantin jaǵdaiynda qoljetimdi áleýmettik jelilerdiń, elektrondyq taratylymdardyń, ózderiniń azamattyq bailanystarynyń múmkindikterin paidalana otyryp, ózin-ózi jumyspen qamtyǵan azamattar arasynda keń aýqymdy túsindirý jumystaryn júrgizedi. Aqparattyq jumys 3 millionǵa jýyq azamattardy eń tómengi jalaqy mólsherinde qosymsha áleýmettik tólemdermen qamtý; azamattardyń túrli sanatyn tegin azyq-túlik jáne turmystyq jiyntyqtarmen qamtamasyz etý jáne olardy óndirý men jetkizý jumystaryna jergilikti shaǵyn jáne orta biznesti tartý siiaqty sharalardy qamtýy tiis.
Qazaqstan halqy Assambleiasy Memleket basshysynyń kóktemgi egis jumystaryn ýaqytynda júrgizý jáne shaǵyn jáne orta sharýa qojalyqtaryn qoldaý, jańa jumys oryndaryn ashý jónindegi tapsyrmasyna erekshe nazar aýdarýǵa shaqyrady. Aýyl sharýashylyǵy óndirisinde tájiribesi mol QHA músheleri Prezident bastamalaryn júzege asyrý úshin qajetti kómek kórsetý, aýyl sharýashylyǵy ónimderin óndirýshi jastarǵa qamqorlyq jasaý, keńes berý jáne ózge de qoldaý sharalaryn jasaidy.
«Biz, Qazaqstan halqy Assambleiasynyń músheleri, Prezident Q.Toqaevtyń tapsyrmalaryn iske asyrýǵa barynsha qoǵamdyq baqylaýdy qamtamasyz etýge niettimiz. Óitkeni álemdik daǵdarys pen retsessiia jaǵdaiyndaǵy bizdiń elimizdiń qarjylyq múmkindikteri de shekteýli. Qazaqstan halqy Assambleiasy elimizdiń barlyq azamattaryn Memleket basshysy belgilegen tapsyrmalardy oryndaýǵa joǵary jaýapkershilikpen qaraýǵa, olardy tiimdi iske asyrý úshin sanalylyq tanytyp, yntymaqtyń jáne belsendi azamattyq ustanymnyń úlgisin kórsetýge shaqyrady» delingen málimdemede.
.jpeg)