Qurylǵanyna 25 jyl bolǵan Qazaqstan halqy Assambleiasy elimizdegi túrli etnos ókilderiniń mádenietin qana emes, elimizdiń ekonomikasyna úles qosatyn kez kelgen igi isti qoldaýǵa ázir. Onyń birden bir dáleli Qazaqstan halqy Assambleiasynyń Kásipkerler Qaýymdastyǵy Amway qaiyrymdylyq qory men «Atameken» Ulttyq Kásipkerler palatasy jáne «Qazaqstan kásipkerleriniń Forýmy» qaýymdastyǵymen birlesip, Qazaqstandaǵy «Kásipker-ana» baǵdarlamasynyń uiymdastyryp otyr, - dep habarlaidy «Ult aqparat».
Joǵaryda atalǵan qaýymdastyqtardyń birigýimen jýyrda Qazaqstanda «Kásipker – ana» áielderdiń kásipkerligin qoldaý maqsatymen uiymdastyrylǵan bilim berý baǵdarlamasynyń pilottyq maýsymynyń finaly ótti. Bul týraly uiymdastyrýshylardyń biri Anna Soshinskaia bylai deidi:
«Birinshi maýsymǵa qatysýǵa Qazaqstannyń túkpir-túkpirinen múmkindigi shekteýli balalardyń analary, kóp balaly jáne asyrap alýshy analar shaqyryldy. Qatysý úshin osy kategoriialarǵa kiretin kámeletke tolmaǵan balalardyń analary ózderiniń biznes-ideialaryn sipattaýy kerek edi. Baǵdarlamaǵa qatysýǵa barlyǵy 521 ótinim kelip tústi, konkýrs bir orynǵa 20 adamdy qurady. Ótinish berýshilerdiń ideialary kóbinde tigin jáne tamaq óndirisi, eresekter men balalarǵa qosymsha bilim berý salasyndaǵy jobalardy qurady», - deidi ol.
Uiymdastyrýshylardyń aitýynsha, trening onlain formatta uiymdastyrylyp, bul iri qalalardyń turǵyndaryna ǵana emes, shalǵai eldi mekenderde turatyn analarǵa da tegin oqýdan ótýge múmkindik bergen. Belgili bolǵanyndai, on tórt kún boiy qatysýshylar ónimdi qurý jáne marketing negizderin, qarjylyq jáne salyqtyq saýattylyqtyń niýanstaryn zerttep, jeke biznes-jospar qurý boiynsha jumys jasady jáne aimaqtyń biznes-sarapshylarynan jobalardy tanystyrý daǵdylaryn úirengen.
«Jeńimpazdy tańdaý ońai bolǵan joq. Finalǵa óte órshil jáne perspektivaly biznes-jobalar shyqty: jeýge jaramdy gúl shoqtaryn, Kraft irimshigin, trikotaj kiimderin, torttardy jáne áleýmettik taqyryptarǵa podkasttardy óndirý, shaǵyn konditerlik dúkender, qazaq tildi halyqty aǵylshyn tiline oqytýǵa arnalǵan sait, sheteldikterdi orys tiline onlain oqytý jáne taǵy basqalar. Sonyń ishinde Mektep jasyna deiingi jáne densaýlyq múmkindigi shekteýli balalarǵa arnalǵan fetr men matadan jasalǵan ádistemelik quraldardy óndirý jobasy úzdik dep tanyldy» deidi Qazaqstan halqy Assambleiasynyń ókili.
«Bul ideiany men kópten beri oilap júrdim. Ózim defektologpyn, Almaty qalasynyń sóileý túzetý ortalyǵyndaǵy mishyq stimýliatsiiasy boiynsha mamanmyn. Usaq motorikany damytýǵa jáne sóileý daǵdylaryn qalyptastyrýǵa kómektesetin arnaiy quraldardyń qanshalyqty qajet ekenin basqalardan artyq bilemin. Sońǵy birneshe jyl ishinde men barlyq dúkender men internet - saittardan qajetti quraldardy izdedim. Tiisti quraldardy tappai, 1,5 jastan asqan balalarǵa kómektesetin óz ónimimdi jasaý ideiasy paida boldy. Áriptesterim «Kásipker-ana» jobasy týraly aitty, ótinimimdi tirkedim. Jobanyń arqasynda qolmen jasaǵan quraldarymdy endi ony qajet etetin barlyq balalar jetetindei mólsherde shyǵarýǵa múmkindik aldym. Jeńisime óte qýanyshtymyn. Alǵan bilimim men grant maǵan osy ideiany iske asyrýǵa kómektesetini sózsiz. Uiymdastyrýshylarǵa alǵysym sheksiz», - dedi Kásipker-ana» baǵdarlamasynyń pilottyq maýsymyna «Alaqai» jobasymen qatysyp, jeńimpaz atanǵan Ainur Djerembaeva.
Jeńimpaz kásipker Amway «V otvete za býdýshee» qaiyrymdylyq qorynan 500 000 teńge kóleminde óz jobasyn iske asyrýǵa grantty ielendi.
«Kásipker – ana» áielder kásipkerligin damytý jónindegi bilim berý baǵdarlamasy kámeletke tolmaǵan balalar men dekrettik demalystaǵy analarǵa arnalǵan. Olarǵa óz biznesin bastap otbasyna qamqorlyq kórsetý men kásibi tulǵalyq damýdy qatar alyp júrýdi úirenýge kómektesedi. Baǵdarlamanyń Reseide 8 jyldyq tarihy bar jáne búgingi tańda ol Resei Federatsiiasynyń 69 aimaǵynda júzege asyrylýda.
«Bizge dástúrli formatqa keibir ózgerister engizýge týra keldi - biz baǵdarlamany alǵash ret onlain formatta ótkizdik, sheteldik jattyqtyrýshyny shaqyrdyq jáne shekaramyzdy keńeitip, respýblikanyń barlyq aimaqtarynan ótinishter qabyldadyq. Alǵashqy kúnderden aq biz qazaqstandyq analardyń belsendiligin, olardyń oqýǵa ashyqtyǵyn jáne alǵa qoiǵan maqsatty iske asyrýǵa degen umtylysyn kórdik. Árine, bul bizdi qatty qýantty», - dedi Anna Soshinskaia.
Esterińizge sala keteiik, Qurylǵanyna 25 jyl bolǵan Qazaqstan halqy Assambleiasy elimizdegi túrli etnos ókilderiniń mádenietin qana emes, elimizdiń ekonomikasyna úles qosatyn kez kelgen igi isti qoldaýǵa ázir. Onyń birden bir dáleli Qazaqstan halqy Assambleiasynyń Kásipkerler Qaýymdastyǵy Amway qaiyrymdylyq qory men «Atameken» Ulttyq Kásipkerler palatasy jáne «Qazaqstan kásipkerleriniń Forýmy» qaýymdastyǵymen birlesip, Qazaqstandaǵy «Kásipker-ana» baǵdarlamasynyń uiymdastyryp otyr.
