قۇرىلعانىنا 25 جىل بولعان قازاقستان حالقى اسسامبلەياسى ەلٸمٸزدەگٸ تٷرلٸ ەتنوس ٶكٸلدەرٸنٸڭ مەدەنيەتٸن قانا ەمەس, ەلٸمٸزدٸڭ ەكونوميكاسىنا ٷلەس قوساتىن كەز كەلگەن يگٸ ٸستٸ قولداۋعا ەزٸر. ونىڭ بٸردەن بٸر دەلەلٸ قازاقستان حالقى اسسامبلەياسىنىڭ كەسٸپكەرلەر قاۋىمداستىعى Amway قايىرىمدىلىق قورى مەن «اتامەكەن» ۇلتتىق كەسٸپكەرلەر پالاتاسى جەنە «قازاقستان كەسٸپكەرلەرٸنٸڭ فورۋمى» قاۋىمداستىعىمەن بٸرلەسٸپ, قازاقستانداعى «كەسٸپكەر-انا» باعدارلاماسىنىڭ ۇيىمداستىرىپ وتىر, - دەپ حابارلايدى «ۇلت اقپارات».
جوعارىدا اتالعان قاۋىمداستىقتاردىڭ بٸرٸگۋٸمەن جۋىردا قازاقستاندا «كەسٸپكەر – انا» ەيەلدەردٸڭ كەسٸپكەرلٸگٸن قولداۋ ماقساتىمەن ۇيىمداستىرىلعان بٸلٸم بەرۋ باعدارلاماسىنىڭ پيلوتتىق ماۋسىمىنىڭ فينالى ٶتتٸ. بۇل تۋرالى ۇيىمداستىرۋشىلاردىڭ بٸرٸ اننا سوشينسكايا بىلاي دەيدٸ:
«بٸرٸنشٸ ماۋسىمعا قاتىسۋعا قازاقستاننىڭ تٷكپٸر-تٷكپٸرٸنەن مٷمكٸندٸگٸ شەكتەۋلٸ بالالاردىڭ انالارى, كٶپ بالالى جەنە اسىراپ الۋشى انالار شاقىرىلدى. قاتىسۋ ٷشٸن وسى كاتەگورييالارعا كٸرەتٸن كەمەلەتكە تولماعان بالالاردىڭ انالارى ٶزدەرٸنٸڭ بيزنەس-يدەيالارىن سيپاتتاۋى كەرەك ەدٸ. باعدارلاماعا قاتىسۋعا بارلىعى 521 ٶتٸنٸم كەلٸپ تٷستٸ, كونكۋرس بٸر ورىنعا 20 ادامدى قۇرادى. ٶتٸنٸش بەرۋشٸلەردٸڭ يدەيالارى كٶبٸندە تٸگٸن جەنە تاماق ٶندٸرٸسٸ, ەرەسەكتەر مەن بالالارعا قوسىمشا بٸلٸم بەرۋ سالاسىنداعى جوبالاردى قۇرادى», - دەيدٸ ول.
ۇيىمداستىرۋشىلاردىڭ ايتۋىنشا, ترەنينگ ونلاين فورماتتا ۇيىمداستىرىلىپ, بۇل ٸرٸ قالالاردىڭ تۇرعىندارىنا عانا ەمەس, شالعاي ەلدٸ مەكەندەردە تۇراتىن انالارعا دا تەگٸن وقۋدان ٶتۋگە مٷمكٸندٸك بەرگەن. بەلگٸلٸ بولعانىنداي, ون تٶرت كٷن بويى قاتىسۋشىلار ٶنٸمدٸ قۇرۋ جەنە ماركەتينگ نەگٸزدەرٸن, قارجىلىق جەنە سالىقتىق ساۋاتتىلىقتىڭ نيۋانستارىن زەرتتەپ, جەكە بيزنەس-جوسپار قۇرۋ بويىنشا جۇمىس جاسادى جەنە ايماقتىڭ بيزنەس-ساراپشىلارىنان جوبالاردى تانىستىرۋ داعدىلارىن ٷيرەنگەن.
«جەڭٸمپازدى تاڭداۋ وڭاي بولعان جوق. فينالعا ٶتە ٶرشٸل جەنە پەرسپەكتيۆالى بيزنەس-جوبالار شىقتى: جەۋگە جارامدى گٷل شوقتارىن, كرافت ٸرٸمشٸگٸن, تريكوتاج كيٸمدەرٸن, تورتتاردى جەنە ەلەۋمەتتٸك تاقىرىپتارعا پودكاستتاردى ٶندٸرۋ, شاعىن كونديتەرلٸك دٷكەندەر, قازاق تٸلدٸ حالىقتى اعىلشىن تٸلٸنە وقىتۋعا ارنالعان سايت, شەتەلدٸكتەردٸ ورىس تٸلٸنە ونلاين وقىتۋ جەنە تاعى باسقالار. سونىڭ ٸشٸندە مەكتەپ جاسىنا دەيٸنگٸ جەنە دەنساۋلىق مٷمكٸندٸگٸ شەكتەۋلٸ بالالارعا ارنالعان فەتر مەن ماتادان جاسالعان ەدٸستەمەلٸك قۇرالداردى ٶندٸرۋ جوباسى ٷزدٸك دەپ تانىلدى» دەيدٸ قازاقستان حالقى اسسامبلەياسىنىڭ ٶكٸلٸ.
«بۇل يدەيانى مەن كٶپتەن بەرٸ ويلاپ جٷردٸم. ٶزٸم دەفەكتولوگپىن, الماتى قالاسىنىڭ سٶيلەۋ تٷزەتۋ ورتالىعىنداعى ميشىق ستيمۋلياتسيياسى بويىنشا مامانمىن. ۇساق موتوريكانى دامىتۋعا جەنە سٶيلەۋ داعدىلارىن قالىپتاستىرۋعا كٶمەكتەسەتٸن ارنايى قۇرالداردىڭ قانشالىقتى قاجەت ەكەنٸن باسقالاردان ارتىق بٸلەمٸن. سوڭعى بٸرنەشە جىل ٸشٸندە مەن بارلىق دٷكەندەر مەن ينتەرنەت - سايتتاردان قاجەتتٸ قۇرالداردى ٸزدەدٸم. تيٸستٸ قۇرالداردى تاپپاي, 1,5 جاستان اسقان بالالارعا كٶمەكتەسەتٸن ٶز ٶنٸمٸمدٸ جاساۋ يدەياسى پايدا بولدى. ەرٸپتەستەرٸم «كەسٸپكەر-انا» جوباسى تۋرالى ايتتى, ٶتٸنٸمٸمدٸ تٸركەدٸم. جوبانىڭ ارقاسىندا قولمەن جاساعان قۇرالدارىمدى ەندٸ ونى قاجەت ەتەتٸن بارلىق بالالار جەتەتٸندەي مٶلشەردە شىعارۋعا مٷمكٸندٸك الدىم. جەڭٸسٸمە ٶتە قۋانىشتىمىن. العان بٸلٸمٸم مەن گرانت ماعان وسى يدەيانى ٸسكە اسىرۋعا كٶمەكتەسەتٸنٸ سٶزسٸز. ۇيىمداستىرۋشىلارعا العىسىم شەكسٸز», - دەدٸ كەسٸپكەر-انا» باعدارلاماسىنىڭ پيلوتتىق ماۋسىمىنا «الاقاي» جوباسىمەن قاتىسىپ, جەڭٸمپاز اتانعان اينۇر دجەرەمباەۆا.
جەڭٸمپاز كەسٸپكەر Amway «ۆ وتۆەتە زا بۋدۋششەە» قايىرىمدىلىق قورىنان 500 000 تەڭگە كٶلەمٸندە ٶز جوباسىن ٸسكە اسىرۋعا گرانتتى يەلەندٸ.
«كەسٸپكەر – انا» ەيەلدەر كەسٸپكەرلٸگٸن دامىتۋ جٶنٸندەگٸ بٸلٸم بەرۋ باعدارلاماسى كەمەلەتكە تولماعان بالالار مەن دەكرەتتٸك دەمالىستاعى انالارعا ارنالعان. ولارعا ٶز بيزنەسٸن باستاپ وتباسىنا قامقورلىق كٶرسەتۋ مەن كەسٸبي تۇلعالىق دامۋدى قاتار الىپ جٷرۋدٸ ٷيرەنۋگە كٶمەكتەسەدٸ. باعدارلامانىڭ رەسەيدە 8 جىلدىق تاريحى بار جەنە بٷگٸنگٸ تاڭدا ول رەسەي فەدەراتسيياسىنىڭ 69 ايماعىندا جٷزەگە اسىرىلۋدا.
«بٸزگە دەستٷرلٸ فورماتقا كەيبٸر ٶزگەرٸستەر ەنگٸزۋگە تۋرا كەلدٸ - بٸز باعدارلامانى العاش رەت ونلاين فورماتتا ٶتكٸزدٸك, شەتەلدٸك جاتتىقتىرۋشىنى شاقىردىق جەنە شەكارامىزدى كەڭەيتٸپ, رەسپۋبليكانىڭ بارلىق ايماقتارىنان ٶتٸنٸشتەر قابىلدادىق. العاشقى كٷندەردەن اق بٸز قازاقستاندىق انالاردىڭ بەلسەندٸلٸگٸن, ولاردىڭ وقۋعا اشىقتىعىن جەنە العا قويعان ماقساتتى ٸسكە اسىرۋعا دەگەن ۇمتىلىسىن كٶردٸك. ەرينە, بۇل بٸزدٸ قاتتى قۋانتتى», - دەدٸ اننا سوشينسكايا.
ەستەرٸڭٸزگە سالا كەتەيٸك, قۇرىلعانىنا 25 جىل بولعان قازاقستان حالقى اسسامبلەياسى ەلٸمٸزدەگٸ تٷرلٸ ەتنوس ٶكٸلدەرٸنٸڭ مەدەنيەتٸن قانا ەمەس, ەلٸمٸزدٸڭ ەكونوميكاسىنا ٷلەس قوساتىن كەز كەلگەن يگٸ ٸستٸ قولداۋعا ەزٸر. ونىڭ بٸردەن بٸر دەلەلٸ قازاقستان حالقى اسسامبلەياسىنىڭ كەسٸپكەرلەر قاۋىمداستىعى Amway قايىرىمدىلىق قورى مەن «اتامەكەن» ۇلتتىق كەسٸپكەرلەر پالاتاسى جەنە «قازاقستان كەسٸپكەرلەرٸنٸڭ فورۋمى» قاۋىمداستىعىمەن بٸرلەسٸپ, قازاقستانداعى «كەسٸپكەر-انا» باعدارلاماسىنىڭ ۇيىمداستىرىپ وتىر.
