Qazaqstan 30 jylda ulttyq birlikti nyǵaitý isinde biregei tájiribe jinady. Bul pikirdi QR Prezidenti janyndaǵy Qazaqstan strategiialyq zertteýler institýtynyń direktory Zarema Shaýkenova bildirdi, dep habarlaidy "Ult aqparat".
«Biyl elimiz Táýelsizdiktiń otyz jyldyǵyn atap ótedi. Ótken otyz jyldar halqymyzdyń tarihyndaǵy eń jaýapty kezeń boldy. Otyz jyl ishinde biz ekonomikanyń jańa túrin qalyptastyryp, saiasi jańǵyrtýdy júzege asyryp, áleýmettik institýttardy nyǵaita aldyq. Alaida, eń mańyzdysy, biz ulttyq birlikti qamtamasyz etý baǵytynda biregei tájiribe jinaqtadyq. Búginde etnosaralyq tatýlyq pen kelisimniń qazaqstandyq modelin álemdik qaýymdastyq dúniejúzindegi eń tiimdilerdiń biri retinde tanidy. Bul fakt IýNESKO jáne EQYU siiaqty bedeldi halyqaralyq qurylymdarmen QHA-nyń XXIX sessiiasyna úndeýinde taǵy da rastaldy», - deidi institýt direktory.
Onyń sózinshe, beibitshilik pen kelisim kópetnosty elimizdiń barlyq azamattarynyń kúsh-jigeriniń nátijesi. Biraq, birinshi kezekte – bul QR Tuńǵysh Prezidenti Nursultan Ábishuly Nazarbaevtyń eńbegi. Táýelsizdik tańynda Elbasy qabyldaǵan sheshimderdiń mańyzdylyǵyn ótken ǵasyrdyń 90-jyldaryna tán áleýmettik-psihologiialyq jáne etnosaiasi faktorlardy eskermei baǵalaý múmkin emes. Keńestik ideologiianyń ydyraýy, ósip kele jatqan etnonatsionalizm jáne etnokratizmge degen umtylys aiasynda qoǵamnyń kóp ultty quramy jas memleketterdiń turaqtylyǵyna qaýip tóndirdi. Osy kúrdeli kezeńde Elbasy bul jaǵdaiǵa qaǵidatty túrde túbegeili jańa kózqaras usyndy – qazaqstandyq qoǵamnyń polietnikalyq quramy – qaýip emes, ol orasan zor bailyq pen basymdyq. Sol kezeńde, 1992 jyly Qazaqstan halqy Assambleiasyn qurý ideiasy paida boldy. Bul ideia 1995 jylǵy 1 naýryzda Memleket basshysynyń janyndaǵy konsýltativtik-keńesshi organ mártebesi bar Qazaqstan halqy Assambleiasyn qurý týraly Prezidenttiń Jarlyǵy shyqqan kezde praktika júzinde iske asyryldy.
«Búginde Assambleia shyn máninde inkliýzivti qoǵamǵa qarai ilgerileýimizdi qamtamasyz etetin kóp ólshemdi jáne tiimdi institýt. Bul – barlyq azamattar onyń saiasi jáne áleýmettik-ekonomikalyq damý protsesterine belsendi qatysatyn qoǵam. Tarih belesteri kórsetkendei, árbir áleýmettik baǵdarlanǵan institýt qurylǵannan beri shirek ǵasyrdan astam ýaqyttan keiin óziniń ózektiligi men suranysymen «maqtana» almaidy. Bul, árine tabiǵi nárse, álem ózgerýde, qoǵamnyń sharttary men qajettilikteri ózgerýde. QHA qupiiasy nede? Bul onyń qoǵammen birge damý qabiletinen, áleýmettik damýdyń shynymen paidaly quraly bolýǵa umtylýynan aiqyn kórinedi.
Konsýltativtik-keńesshi organ retinde paida bola otyryp, 26 jyl ishinde Assambleia konstitýtsiialyq mártebe men parlamenttik ókildik alý quqyǵyna ie boldy. QHA qyzmetiniń zamanaýi mindetteri men baǵyttary bastapqyda belgilengen sheńberden asyp túsedi. Búginde Assambleia – bul tek konsýltativtik organ jáne etnomádeni birlestikter ǵana emes. QHA – bul Dostyq úileriniń keń jelisi, Qoǵamdyq kelisim keńesteri, Ǵylymi-saraptamalyq keńester, Analar keńesteri, Jastar uiymdary, Mediatsiia keńesteri jáne taǵy basqalar»,-deidi Zarema Shaýkenova.
Onyń sózine qaraǵanda, Assambleianyń aldyna qoiǵan mindetteri etnosaralyq beibitshilik pen kelisimdi saqtaý úshin ǵana emes, sondai-aq jalpyulttyq biregeilikti nyǵaitý jáne áleýmettik máselelerdi keń maǵynada sheshý úshin qolaily jaǵdailar jasaýǵa baǵyttalady. Pandemiia kezindegi áleýmettik daǵdarysty jeńýge Assambleianyń qosqan úlesin eske túsirý jetkilikti. QHA eriktileri qiyn jaǵdaidaǵy qazaqstandyqtarǵa kómek kórsetti, «Biz birgemiz!» jáne «#bizúidemiz» qaiyrymdylyq aktsiialaryn nasihattady, aqparattyq keńistikte karantin kezeńinde bos ýaqytty sapaly ótkizý úshin jaǵdailardy jáne taǵy basqalardy qamtamasyz etti.
Qazaqstan halqy Assambleiasynyń ideialyq shabyttandyrýshysy onyń Tóraǵasy – Nursultan Ábishuly Nazarbaev boldy. Onyń kúsh-jigeriniń arqasynda QHA árqashan qoǵamnyń suranystaryna sáikes ýaqyt talabyna sai júrdi. 28 sáýirde ótken QHA-nyń XXIX sessiiasy kezinde Elbasy ómir boiy tóraǵalyq etý quqyǵynan bas tartatynyn jáne QHA Tóraǵasynyń ókilettigin QR Prezidenti Qasym-Jomart Kemeluly Toqaevqa tapsyratynyn málimdei otyryp, óziniń kóregen jáne pragmatikalyq saiasatker mártebesin taǵy da rastady.
«Elbasy bul sheshim Assambleia qyzmetiniń múddelerine qyzmet etetinin jáne bizdiń Prezidentimizge barlyq aǵymdaǵy jumystar men azamattarymyzdyń, qoǵamymyzdyń jáne memleketimizdiń bolashaǵyna arnalǵan josparlardy birizdendirýge kómektesetinin atap ótti»,-dedi institýt basshysy.
