Qazaqstan halqynyń sany 18 mln adamnan asty, dep habarlaidy "Ult aqparat" Ulttyq ekonomika ministrliginiń baspasóz qyzmetine silteme jasap.
«2017 jylǵy 1 shildege elimizdegi halyq sany 18 034,3 myń adamdy qurady, sonyń ishinde qalalyqtar - 10 339,4 myń (57,3%), aýyldyqtar - 7 694,9 myń adamdy (42,7%) qurady. 2016 jylǵy 1 shildemen salystyrǵanda halyq sany 238,2 myń adamǵa nemese 1,34% ósti», delingen baspasóz baianynda.
AHAT organdary usynǵan azamattyq hal aktileri jazbalaryndaǵy málimetterdi óńdeý nátijesinde, 2017 jylǵy qańtar-maýsymda týylǵandar sany 189,3 myń adamǵa jetti, bul 2016 jylǵy qańtar-maýsymǵa qaraǵanda 6,4% az.
2017 jylǵy qańtar-maýsymda respýblika halqynyń tabiǵi ósimi 2016 jylǵy qańtar-maýsymmen salystyrǵanda 12,4 myń adamǵa nemese 9,2% kemip, 122,6 myń adamdy qurady. Tabiǵi ósimniń jalpy koeffitsienti 1000 adamǵa shaqqanda 13,70 adamdy qurady.
Qarastyrylyp otyrǵan kezeńde qaitys bolǵandar sany 66,7 myń adamdy qurady, bul 2016 jylǵy qańtar-maýsymǵa qaraǵanda 0,7% az.
