Qazaqstan Antigýa jáne Barbýda memleketi men Mianmadaǵy rohindja musylmandaryna gýmanitarlyq kómek retinde 650 myń dollar jiberedi, dep habarlaidy "Ult aqparat" QR «Ádilet» aqparattyq-quqyqtyq júiesiniń saityna silteme jasap.
QR Úkimeti qaýlysyna sáikes, Qazaqstan Antigýa jáne Barbýda memleketinde oryn alǵan tabiǵi apatqa járdem retinde 50 myń dollar, Karib qaýymdastyǵyna 100 myń dollar gýmanitarlyq kómek kórsetedi. Sonymen qatar, Qazaqstan Mianmadaǵy rohindja musylmandaryna resmi gýmanitarlyq kómek retinde 500 myń dollar bólmek.
Osy maqsatty iske asyrý boiynsha QR qarjy ministrligine elimizdiń SIM jáne Úkimettiń tótenshe jaǵdailarǵa bailanysty qoryna qarjy bólý tapsyryldy. Atalǵan qarjy 2017 jylǵa arnalǵan tabiǵi jáne tehnogendik minezdegi tótenshe jaǵdailardy boldyrmaýǵa arnalǵan respýblikalyq biýdjetten qarastyrylǵan.
