Qazaqstanda aǵymdaǵy jyldyń basynda Interneti bar 16 mln uialy bailanys abonenti boldy, bul ótken jyldyń sáikes kezeńimen salystyrǵanda 6,8%-ǵa artyq.
Sońǵy bes jylda bul kórsetkish jylyna orta eseppen 7,8%-ǵa ósip keledi. Interneti bar uialy bailanys abonentteriniń sany elimizdiń 100 turǵynyna shaqqanda 85 birlikti qurady, bul - barlyq ýaqyttaǵy eń úzdik mán, dep habarlaidy Ranking.kz saity.
Elimizde tirkelgen Internet abonentteriniń sany bir jylda 5,1%-ǵa, 2,6 mln abonentke deiin artty. Osylaisha, barlyq segmentterde internet jelisin paidalanýshylar sanynyń aitarlyqtai ósýi baiqalady. Búgingi tańda Qazaqstan halqyn internetpen qamtý 99% quraidy.
Qazaqstandaǵy mobildi internetke tarifter salystyrmaly túrde joǵary emes. Álemdik reitingte Qazaqstan interneti eń arzan 10 eldiń qataryna kiredi.
2020 jyly elimiz barlyq damyǵan memleketterden ozyp, álemde 6-shy orynǵa ie boldy. Eldegi 1 gigabait internet úshin ortasha eseppen 0,46 AQSh dollary tólenedi. Reitingte barlyǵy 228 eldiń baǵalary zertteldi. Eger Qazaqstanda 20 gigabait internet úshin el turǵyny ortasha eseppen 9,2 AQSh dollaryn (3 840,4 teńge) tólese, kórshi Reseide — 10,3 AQSh dollaryn (4 299,6 teńge), Ulybritaniiada — 27,9 dollardy (11 646,5 teńge), Germaniiada — 81,2 dollardy (33 895,9 teńge), AQSh-ta — 160 dollardy (66 789,8 teńge), Shveitsariiada — 167,5 dollardy (69 920,7 teńge), Grekiiada 241,3 dollar (100 727,5 teńge) tóleidi.
2020 jyly internet kommýnikatsiianyń negizgi quralyna ainaldy, internet qyzmetterine suranys pen jelige qoljetimdilik aitarlyqtai ósti. Qazaqstandaǵy trafiktiń ósýi operatorlardyń derekteri boiynsha 34%-dan (Tele2) 63%-ǵa (Beeline) deiin qurady. Baǵalar osy mánge kóterilýi múmkin dep boljaý qisyndy, biraq bul bolǵan joq.
Jalpy, Internetke qol jetkizý quny eldiń aýqymyna (aýdanyna) tikelei proportsionaldy. Iaǵni eldiń geografiialyq aýqymy neǵurlym zor bolsa, búkil aýmaqty qamtamasyz etý soǵurlym qymbatqa túsedi jáne sáikesinshe paidalanýshylar úshin internettiń quny soǵurlym joǵary bolýy kerek.
Qazaqstandaǵy jaǵdai basqasha: eldiń osyndai úlken aýmaǵyna shaqqanda investitsiia óte kóp, abonentter úshin túpkilikti baǵa tómen. Jelini salý kezinde paidalanylatyn jabdyq shetelde óndiriledi, bul qazaqstandyq valiýtanyń árbir devalvatsiiasymen telekom-indýstriia úshin odan da qymbat bolady degendi bildiredi.
Esterińizge sala keteiik, 2020 jyly Aqparat jáne bailanys salasyna barlyq ýaqytta investitsiialardyń eń kóp kólemi baǵyttaldy: 140,9 mlrd teńge — 2019 jylmen salystyrǵanda 37,2% - ǵa artyq. Tikelei uialy bailanys operatorlary da kúrdeli shyǵyndardy kóbeitti. Kúrdeli shyǵyndardyń eń kóp kólemi (CAPEX) Beeline-da baiqalady: 2020 jyldyń qorytyndysy boiynsha soma 61,2 mlrd teńgeni qurady. Bul ótken jylmen salystyrǵanda 32,5%- ǵa artyq. Óz kezeginde, Kcell-de kúrdeli shyǵystar 26,8 mlrd teńgege deiin ósti (bir jyl buryn-20,2 mlrd teńge). Uialy bailanys operatorlarynyń investitsiialary negizgi óndiristik quraldar men jabdyqtarǵa, sondai-aq baǵdarlamalyq jasaqtama men litsenziialarǵa baǵyttalǵan.
