قازاقستاندا اعىمداعى جىلدىڭ باسىندا ينتەرنەتٸ بار 16 ملن ۇيالى بايلانىس ابونەنتٸ بولدى, بۇل ٶتكەن جىلدىڭ سەيكەس كەزەڭٸمەن سالىستىرعاندا 6,8%-عا ارتىق.
سوڭعى بەس جىلدا بۇل كٶرسەتكٸش جىلىنا ورتا ەسەپپەن 7,8%-عا ٶسٸپ كەلەدٸ. ينتەرنەتٸ بار ۇيالى بايلانىس ابونەنتتەرٸنٸڭ سانى ەلٸمٸزدٸڭ 100 تۇرعىنىنا شاققاندا 85 بٸرلٸكتٸ قۇرادى, بۇل - بارلىق ۋاقىتتاعى ەڭ ٷزدٸك مەن, دەپ حابارلايدى Ranking.kz سايتى.
ەلٸمٸزدە تٸركەلگەن ينتەرنەت ابونەنتتەرٸنٸڭ سانى بٸر جىلدا 5,1%-عا, 2,6 ملن ابونەنتكە دەيٸن ارتتى. وسىلايشا, بارلىق سەگمەنتتەردە ينتەرنەت جەلٸسٸن پايدالانۋشىلار سانىنىڭ ايتارلىقتاي ٶسۋٸ بايقالادى. بٷگٸنگٸ تاڭدا قازاقستان حالقىن ينتەرنەتپەن قامتۋ 99% قۇرايدى.
قازاقستانداعى موبيلدٸ ينتەرنەتكە تاريفتەر سالىستىرمالى تٷردە جوعارى ەمەس. ەلەمدٸك رەيتينگتە قازاقستان ينتەرنەتٸ ەڭ ارزان 10 ەلدٸڭ قاتارىنا كٸرەدٸ.
2020 جىلى ەلٸمٸز بارلىق دامىعان مەملەكەتتەردەن وزىپ, ەلەمدە 6-شى ورىنعا يە بولدى. ەلدەگٸ 1 گيگابايت ينتەرنەت ٷشٸن ورتاشا ەسەپپەن 0,46 اقش دوللارى تٶلەنەدٸ. رەيتينگتە بارلىعى 228 ەلدٸڭ باعالارى زەرتتەلدٸ. ەگەر قازاقستاندا 20 گيگابايت ينتەرنەت ٷشٸن ەل تۇرعىنى ورتاشا ەسەپپەن 9,2 اقش دوللارىن (3 840,4 تەڭگە) تٶلەسە, كٶرشٸ رەسەيدە — 10,3 اقش دوللارىن (4 299,6 تەڭگە), ۇلىبريتانييادا — 27,9 دوللاردى (11 646,5 تەڭگە), گەرمانييادا — 81,2 دوللاردى (33 895,9 تەڭگە), اقش-تا — 160 دوللاردى (66 789,8 تەڭگە), شۆەيتسارييادا — 167,5 دوللاردى (69 920,7 تەڭگە), گرەكييادا 241,3 دوللار (100 727,5 تەڭگە) تٶلەيدٸ.
2020 جىلى ينتەرنەت كوممۋنيكاتسييانىڭ نەگٸزگٸ قۇرالىنا اينالدى, ينتەرنەت قىزمەتتەرٸنە سۇرانىس پەن جەلٸگە قولجەتٸمدٸلٸك ايتارلىقتاي ٶستٸ. قازاقستانداعى ترافيكتٸڭ ٶسۋٸ وپەراتورلاردىڭ دەرەكتەرٸ بويىنشا 34%-دان (Tele2) 63%-عا (Beeline) دەيٸن قۇرادى. باعالار وسى مەنگە كٶتەرٸلۋٸ مٷمكٸن دەپ بولجاۋ قيسىندى, بٸراق بۇل بولعان جوق.
جالپى, ينتەرنەتكە قول جەتكٸزۋ قۇنى ەلدٸڭ اۋقىمىنا (اۋدانىنا) تٸكەلەي پروپورتسيونالدى. ياعني ەلدٸڭ گەوگرافييالىق اۋقىمى نەعۇرلىم زور بولسا, بٷكٸل اۋماقتى قامتاماسىز ەتۋ سوعۇرلىم قىمباتقا تٷسەدٸ جەنە سەيكەسٸنشە پايدالانۋشىلار ٷشٸن ينتەرنەتتٸڭ قۇنى سوعۇرلىم جوعارى بولۋى كەرەك.
قازاقستانداعى جاعداي باسقاشا: ەلدٸڭ وسىنداي ٷلكەن اۋماعىنا شاققاندا ينۆەستيتسييا ٶتە كٶپ, ابونەنتتەر ٷشٸن تٷپكٸلٸكتٸ باعا تٶمەن. جەلٸنٸ سالۋ كەزٸندە پايدالانىلاتىن جابدىق شەتەلدە ٶندٸرٸلەدٸ, بۇل قازاقستاندىق ۆاليۋتانىڭ ەربٸر دەۆالۆاتسيياسىمەن تەلەكوم-يندۋسترييا ٷشٸن ودان دا قىمبات بولادى دەگەندٸ بٸلدٸرەدٸ.
ەستەرٸڭٸزگە سالا كەتەيٸك, 2020 جىلى اقپارات جەنە بايلانىس سالاسىنا بارلىق ۋاقىتتا ينۆەستيتسييالاردىڭ ەڭ كٶپ كٶلەمٸ باعىتتالدى: 140,9 ملرد تەڭگە — 2019 جىلمەن سالىستىرعاندا 37,2% - عا ارتىق. تٸكەلەي ۇيالى بايلانىس وپەراتورلارى دا كٷردەلٸ شىعىنداردى كٶبەيتتٸ. كٷردەلٸ شىعىنداردىڭ ەڭ كٶپ كٶلەمٸ (CAPEX) Beeline-دا بايقالادى: 2020 جىلدىڭ قورىتىندىسى بويىنشا سوما 61,2 ملرد تەڭگەنٸ قۇرادى. بۇل ٶتكەن جىلمەن سالىستىرعاندا 32,5%- عا ارتىق. ٶز كەزەگٸندە, Kcell-دە كٷردەلٸ شىعىستار 26,8 ملرد تەڭگەگە دەيٸن ٶستٸ (بٸر جىل بۇرىن-20,2 ملرد تەڭگە). ۇيالى بايلانىس وپەراتورلارىنىڭ ينۆەستيتسييالارى نەگٸزگٸ ٶندٸرٸستٸك قۇرالدار مەن جابدىقتارعا, سونداي-اق باعدارلامالىق جاساقتاما مەن ليتسەنزييالارعا باعىتتالعان.
