Astanada ótetin Qazaqstan-Grýziia fýtbol quramalarynyń oiynyna jankúierlerdi jetkizý úshin qoǵamdyq avtobýstar uiymdastyrylady, dep habarlaidy "Ult aqparat" qala ákimdigine silteme jasap.
«Astana LRT»-nyń málimetinshe, shattl-avtobýstarda jol júrý quny elektrondy kartamen - 90 teńge, qolma-qol aqshamen 180 teńge bolady.
Avtobýstardyń jóneltilý ýaqyty 18:00-den 19:00-ge deiin. Adamdardyń jinalý orny: «Qazaqstan» SK turaǵy; «Nur Astana» meshitiniń turaǵy; «Astanalyq tsirk» kólik turaǵy.
Eske sala ketsek, 6 qyrkúiek kúni «Astana-Arena» stadionynda saǵat 20:00-de Qazaqstan men Grýziia komandalary kezdesedi. Oiynda Qazaqstan men Qazsport telearnalary tikelei efirden kórsetedi. Biletter baǵasy 500 teńdegen bastalady.
Ulttyq quramanyń bas bapkeri Stanimir Stoilov keshe ótken baspasóz máslihatynda fýtbolshylarymyz alańǵa jeńis úshin shyǵatynyn aitqan edi.
«Biz topty birinshi orynmen aiaqtaýǵa tiispiz. Erteń oiynnyń basynan aiaǵyna deiin uiymdasqan fýtbol kórsetýge áreket jasaimyz. Komandam kez kelgen taktikaǵa qarsy oinai alady. Iá, biz - jalpy týrnirde aýtsaidermiz, biraq shákirtterimniń deńgeii reitingtegi qazirgi orynnan áldeqaida joǵary», - deidi bapker.
Aita keteiik, Ulttar ligasy - ÝEFA-nyń jańa týrniri. Ol Eýropa qurama komandalarynyń joldastyq kezdesýleriniń ornyna uiymdastyrylyp otyr.
