QR Ekologiia, geologiia jáne tabiǵi resýrstar ministri Serikqali Brekeshev kómirtegi beitaraptyǵyna qol jetkizý jumystary jóninde aityp berdi, dep habarlaidy QazAqparat.
«Qazaqstan 2030 jylǵa deiin parniktik gaz shyǵaryndylaryn 1990 jylǵy deńgeiden 15 paiyzǵa qysqartýǵa nietti. 2019 jyly parniktik gazdardyń ulttyq shyǵaryndylary 1990 jylǵy deńgeiden 2,4 paiyzǵa tómen. Qazir qazaqstandyq delegatsiia klimattyń ózgerýi boiynsha Glazgoda ótip jatqan sammittiń 26-sessiiasyna belsendi qatysýda. Atap aitqanda, 26-y SOR sheńberinde Qazaqstan «Orman jáne jerdi paidalaný» deklaratsiiasyna jáne de Bilim men jastardy tartý mindettemesine qosyldy», - dedi ministr Úkimet otyrysynda.
Ministrdiń aitýynsha, álemde klimattyń ózgerýi boiynsha negizgi trendter baiqalýda. Máselen, iri qarjy institýttary taza jasyl tehnologiialardyń paidasyna kómirmen bailanysty jobalardan tolyǵymen bas tartty. Kómirtektik beitaraptyq maqsattary jáne sáikesinshe kómirden bas tartý týraly málimdegen elderdiń sany jyl saiyn ósýde.
«2026 jyldan bastap Eýropalyq odaq kómirtekti kóp qajet etetin ónimder importyna shekti kómirtegi salyǵyn engizýdi josparlady. Qazaqstannyń JIÓ kómirtegi joǵary syiymdylyǵyn eskere otyryp, atalǵan salyq bizdiń ekonomikaǵa aitarlyqtai áserin tigizedi. Osyǵan bailanysty Memleket basshysy málimdegen kómirtektik beitaraptyqqa qol jetkizý baǵytyn iske asyrý maqsatynda «Kómirtegi beitaraptyǵyna qol jetkizýdiń 2060 jylǵa deiingi Strategiiasy» jobasy ázirlendi. Onda eki stsenarii bar: bazalyq jáne kómirtektik beitaraptyq. Aldyn ala eseptemelerge sáikes, kómirtegi beitaraptyǵy stsenariii shyǵaryndylardy 2060 jylǵa qarai 98 paiyzǵa qysqartýǵa múmkindik beredi. Strategiiany ázirleý jumysy jalǵasýda», - dep atap ótti S. Brekeshev.
Budan basqa, Parij kelisiminiń maqsatyna jetý úshin ulttyq deńgeide anyqtalǵan salymdardy (UDAS) jańartý jumystary aiaqtaldy. Barlyq negizgi sektorlar úshin parniktik gaz shyǵaryndylaryn azaitýdy kózdeitin sharalardyń jol kartasy ázirlendi. Qujat memlekettik organdarda kelisý satysynda.
