قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ كٶمٸرتەگٸ بەيتاراپتىعىنا قول جەتكٸزۋ جۇمىستارى جٶنٸندە ايتىپ بەردٸ, دەپ حابارلايدى قازاقپارات.
«قازاقستان 2030 جىلعا دەيٸن پارنيكتٸك گاز شىعارىندىلارىن 1990 جىلعى دەڭگەيدەن 15 پايىزعا قىسقارتۋعا نيەتتٸ. 2019 جىلى پارنيكتٸك گازداردىڭ ۇلتتىق شىعارىندىلارى 1990 جىلعى دەڭگەيدەن 2,4 پايىزعا تٶمەن. قازٸر قازاقستاندىق دەلەگاتسييا كليماتتىڭ ٶزگەرۋٸ بويىنشا گلازگودا ٶتٸپ جاتقان سامميتتٸڭ 26-سەسسيياسىنا بەلسەندٸ قاتىسۋدا. اتاپ ايتقاندا, 26-ى سور شەڭبەرٸندە قازاقستان «ورمان جەنە جەردٸ پايدالانۋ» دەكلاراتسيياسىنا جەنە دە بٸلٸم مەن جاستاردى تارتۋ مٸندەتتەمەسٸنە قوسىلدى», - دەدٸ مينيستر ٷكٸمەت وتىرىسىندا.
مينيستردٸڭ ايتۋىنشا, ەلەمدە كليماتتىڭ ٶزگەرۋٸ بويىنشا نەگٸزگٸ ترەندتەر بايقالۋدا. مەسەلەن, ٸرٸ قارجى ينستيتۋتتارى تازا جاسىل تەحنولوگييالاردىڭ پايداسىنا كٶمٸرمەن بايلانىستى جوبالاردان تولىعىمەن باس تارتتى. كٶمٸرتەكتٸك بەيتاراپتىق ماقساتتارى جەنە سەيكەسٸنشە كٶمٸردەن باس تارتۋ تۋرالى مەلٸمدەگەن ەلدەردٸڭ سانى جىل سايىن ٶسۋدە.
«2026 جىلدان باستاپ ەۋروپالىق وداق كٶمٸرتەكتٸ كٶپ قاجەت ەتەتٸن ٶنٸمدەر يمپورتىنا شەكتٸ كٶمٸرتەگٸ سالىعىن ەنگٸزۋدٸ جوسپارلادى. قازاقستاننىڭ جٸٶ كٶمٸرتەگٸ جوعارى سىيىمدىلىعىن ەسكەرە وتىرىپ, اتالعان سالىق بٸزدٸڭ ەكونوميكاعا ايتارلىقتاي ەسەرٸن تيگٸزەدٸ. وسىعان بايلانىستى مەملەكەت باسشىسى مەلٸمدەگەن كٶمٸرتەكتٸك بەيتاراپتىققا قول جەتكٸزۋ باعىتىن ٸسكە اسىرۋ ماقساتىندا «كٶمٸرتەگٸ بەيتاراپتىعىنا قول جەتكٸزۋدٸڭ 2060 جىلعا دەيٸنگٸ ستراتەگيياسى» جوباسى ەزٸرلەندٸ. وندا ەكٸ ستسەناريي بار: بازالىق جەنە كٶمٸرتەكتٸك بەيتاراپتىق. الدىن الا ەسەپتەمەلەرگە سەيكەس, كٶمٸرتەگٸ بەيتاراپتىعى ستسەنارييٸ شىعارىندىلاردى 2060 جىلعا قاراي 98 پايىزعا قىسقارتۋعا مٷمكٸندٸك بەرەدٸ. ستراتەگييانى ەزٸرلەۋ جۇمىسى جالعاسۋدا», - دەپ اتاپ ٶتتٸ س. برەكەشەۆ.
بۇدان باسقا, پاريج كەلٸسٸمٸنٸڭ ماقساتىنا جەتۋ ٷشٸن ۇلتتىق دەڭگەيدە انىقتالعان سالىمداردى (ۇداس) جاڭارتۋ جۇمىستارى اياقتالدى. بارلىق نەگٸزگٸ سەكتورلار ٷشٸن پارنيكتٸك گاز شىعارىندىلارىن ازايتۋدى كٶزدەيتٸن شارالاردىڭ جول كارتاسى ەزٸرلەندٸ. قۇجات مەملەكەتتٸك ورگانداردا كەلٸسۋ ساتىسىندا.
