Qazaqstan fýtbol federatsiiasy (QFF) «Aqtóbe» fýtbol klýbynyń ainalasynda qalyptasqan máselege bailanysty málimdeme taratty, dep habarlaidy "Ult aqparat".
«Qazaqstan fýtbol federatsiiasynyń Halyqaralyq fýtbol qaýymdastyqtarynyń federatsiiasyna (FIFA) múshe bolýy - ulttyq qaýymdastyqtar men fýtbol sýbektilerin uiymnyń jarǵysy men erejelerin saqtaýǵa mindetteidi. QFF «Aqtóbe» fýtbol klýbynyń ishki jáne halyqaralyq arenadaǵy tabystaryn eskere otyryp, chempionatqa, fýtbolshylar men fýtbol qoǵamdastyǵyna nuqsan keltirmeitindei retteýge talpyndy. Sondai-aq FIFA men QFF-tyń erejeleri men qujattaryn qatań saqtaý jóninde klýbty birneshe ret habardar etti. Sonymen qatar, oiynshylar aldynda qaryzdy mindetti túrde óteý qajettigin habarlady, - delingen QFF málimdemesinde.
Atap ótilgendei, FIFA men Qazaqstan fýtbol federatsiiasynyń zań organdarynyń sheshimin elemeý jáne oryndamaý arqyly qatań sanktsiialarǵa ushyraityny jóninde «Aqtóbe» fýtbol klýby oblys jetekshiliginiń deńgeiine deiin birneshe márte eskertilgen.
«Qazirgi ýaqytta fýtbol klýbyna qatysty sot isi joǵaryda aitylǵan qujattardyń talabyna qaishy júrip jatyr», - dedi QFF-tan.
Eske salaiyq, buǵan deiin qazaqstandyq birqatar BAQ-ta FIFA-dan QFF-tiń jaýapty hatshysynyń atyna hat kelgeni aityldy. Onda Halyqaralyq federatsiia QFF-tan «Aqtóbe» fýtbol klýbyna jáne onyń burynǵy oiynshylaryna qatysty sot otyrystaryna núkte qoiý úshin «qisyndy sharalar qabyldaýdy» suraǵan. Sot otyrystary qazir Aqtóbe qalalyq sotynda ótýde.
