SOCCA shaǵyn fýtboly boiynsha Qazaqstan quramasy 2026 jylǵy Eýropa chempionaty – qurlyqtaǵy basty dodaǵa daiyndalyp jatyr. Týrnir 20–24 mamyr aralyǵynda Albaniianyń astanasy Tirana qalasynda ótedi. Bairaqty básekege qurlyqtyń eń myqty 28 quramasy qatysady, al Qazaqstanǵa Eýropanyń jetekshi komandalarymen kúsh synasýǵa týra keledi.
Resmi jerebe qorytyndysy boiynsha, AFC Allur bazasynda jasaqtalǵan Qazaqstan quramasy G tobyna tústi. Bul topta otandastarymyz Portýgaliia, Latviia jáne Ýkraina quramalaryna qarsy oinaidy. Toptyq kezeńniń ózinde-aq komandany joǵary deńgeidegi qarsylastarmen tartysty ári printsipti kezdesýler kútip tur.
Komanda el namysyn qorǵaý quqyǵyna Qazaqstan chempiondary kýbogy qorytyndysy boiynsha ie boldy. Týrnir Astana Futbol Ligasy aiasynda ótti. AFC Allur bazasynda ulttyq quramanyń jasaqtalýy – klýbtyń júieli jumysynyń jáne Qazaqstandaǵy shaǵyn fýtboldaǵy kóshbasshylyq pozitsiiasynyń zańdy nátijesi.
Qazaqstandyq Allur avtomobil kompaniiasy negizinde qurylǵan AFC Allur komandasy – eldegi eń ataqty ári tájiribeli áýesqoi klýbtardyń biri. Ujym halyqaralyq arenada da ózin senimdi túrde tanyta bildi. Komandanyń qorjynynda EFA Interkontinental kýbogy (Ispaniia, 2023 jáne 2024) altyn jáne kúmis júldeleri, sondai-aq SOCCA klýbtar arasyndaǵy álem chempionaty 2024 jáne 2025 jyldardaǵy qola medaldary bar. Bul jetistikter komandanyń joǵary deńgeidegi daiyndyǵy men halyqaralyq arenadaǵy úlken ambitsiiasyn dáleldeidi.
Allur kompaniiasy — Qazaqstandaǵy eń iri avtokólik óndirýshi, sportty damytýǵa belsendi qoldaý kórsetip keledi. Ol joǵary jetistikter sportyn da, sondai-aq óńirlik jáne jastar bastamalaryn da qamtidy.
Quramanyń SOCCA Euro 2026 týrnirine qatysýy — eldiń halyqaralyq imidjin nyǵaitýǵa jáne shaǵyn fýtboldy keńinen nasihattaýǵa baǵyttalǵan taǵy bir mańyzdy qadam.
Qazaqstan quramasynyń match kestesi men óner kórsetýine qatysty qosymsha málimetter jaqyn ýaqytta jariialanady.
