Qazaqstan Elshisi Jalǵas Ádilbaev Mońǵoliia Premer-Ministri Lývsannamsrai Oiýýn-Erdenemen kezdesti, dep habarlaidy QR SIM baspasóz qyzmeti.
Elshi Lývsannamsrai Oiýýn-Erdeneni qyzmetine taǵaiyndalýymen jáne dástúrli Shaǵan merekesimen (ai kúntizbesi boiynsha Jańa jyl) quttyqtady.
Kezdesý basynda otandyq diplomat 2021 jyldyń 27 aqpanynda «Ulan-Batyr – Almaty» jáne 5 naýryzda «Ulan-Batyr – Nur-Sultan» baǵyttary boiynsha evakýatsiialyq arnaiy reisterdi uiymdastyrǵany úshin rizashylyǵyn bildirdi.
Óz kezeginde L.Oiýýn-Erdene Qazaqstan men Mońǵoliia arasyndaǵy yntymaqtastyq diplomatiialyq qatynastar ornaǵannan beri turaqty damýda ekenin jáne osy yntymaqtastyq deńgeiin arttyrý úshin barlyq salalarda belsendi birlesken is-qimyl jasaý qajettiligin atap ótti.
Osy turǵyda, mońǵol tarapy Mońǵoliianyń burynǵy Premer-Ministri Ýhnaagiin Hýrelsýhtyń 2019 jyldyń qazan aiynda Nur-Sultanǵa jasaǵan resmi sapary kezinde qol jetkizilgen ýaǵdalastyqtardy júzege asyrý boiynsha jumysty jalǵastyrýǵa daiyn ekenin rastady. Osy oraida, L.Oiýýn-Erdene joǵaryda atalǵan sapar barysynda qol jetkizilgen ýaǵdalastyqtardy tiimdi júzege asyrý maqsatynda arnaiy jumys tobyn qurý bastamasyn kóterdi.
Sonymen birge, Premer-ministri mádeni-gýmanitarlyq yntymaqtastyqty keńeitý múmkindigin qarastyrýdy usyndy jáne halyqty qol jetimdi baspanamen qamtamasyz etý boiynsha tájiribe almasýǵa qyzyǵýshylyq bildirdi.
Sonymen qatar, taraptar eki el arasyndaǵy dostyq qatynastardy keńeitý maqsatynda joǵary deńgeidegi ózara saparlar men birlesken halyqaralyq is-sharalar uiymdastyrý týraly ýaǵdalastyqqa qol jetkizdi.
Budan basqa, suhbattasýshylar aýyl sharýashylyǵy, kólik, týrizm, saýda-ekonomikalyq yntymaqtastyq, sondai-aq halyqaralyq sahnadaǵy is-qimyldardy úilestirý salalarynda ekijaqty qarym-qatynastardyń kún tártibindegi bir qatar ózekti máselelerdi konstrýktivti túrde talqylady.
