Malaiziianyń Korol saraiynda Qazaqstannyń Elshisi Bolat Imanbaevtyń Malaiziianyń Memleket basshysy - eldiń Joǵarǵy Bileýshisi Sultan Abdýllaǵa Senim gramotalaryn tapsyrý saltanatty rásimi ótti, dep habarlaidy "Ult aqparat" QR SIM saityna silteme jasap.
Ministrliktiń málimetinshe, elshi Qazaqstan Prezidenti Qasym-Jomart Toqaevtyń atynan Malaiziianyń Memleket basshysyna jyly quttyqtaýlaryn joldap, elimizdiń Malaiziiamen ózara tiimdi yntymaqtastyqty ári qarai keńeitý men nyǵaitýǵa qyzyǵýshylyǵyn rastady.
Saltanatty rásiminen keiin ótken ekijaqty kezdesý barysynda B.Imanbaev Qazaqstan men Malaiziia arasyndaǵy saýda-ekonomikalyq jáne investitsiialyq qarym-qatynastary joǵary deńgeiimen erekshelenetinin atap ótti. Atap aitqanda, 2019 jyldyń 4 ai qorytyndysy boiynsha Qazaqstan-Malaiziia arasyndaǵy saýda kólemi 2018 jyldyń kezeńimen salystyrǵanda 6 eseden artqanyna nazar aýdardy.
Malaiziianyń memleket basshysy táýelsizdik jyldarynda Qazaqstannyń jetistikterin joǵary baǵalap, eki el arasyndaǵy ózara tiimdi, dástúrli dostyq bailanystardy odan ári nyǵaitýǵa ázirligin rastady.
Malaiziianyń memleket basshysy Qazaqstannyń Tuńǵysh Prezidenti – Elbasy Nursultan Nazarbaevqa jáne jańadan sailanǵan Prezidenti Q.Toqaevqa óziniń sálemin joldap, Qazaqstan halqyna odan ári órkendep, gúldene berýin tiledi.
