Beijińde Qazaqstan Respýblikasynyń Qytai Halyq Respýblikasyndaǵy Elshisi Ǵabit Qoishybaev Qytai Halyq Respýblikasynyń Tóraǵasy Si Tszinpinge senim gramotalaryn tapsyrdy, dep habarlaidy QR SIM baspasóz qyzmeti.
Saltanatty rásim aiaqtalǵannan keiin ótken qysqasha kezdesý barysynda, QHR Tóraǵasy QR Tuńǵysh Prezidenti - Elbasy Nursultan Nazarbaevqa jáne Qazaqstan Prezidenti Qasym-Jomart Toqaevqa jyly sálem men izgi tilekterin jetkizdi. Qytai basshysy, sondai-aq, eki el arasyndaǵy máńgilik jan-jaqty strategiialyq áriptestikti odan ári tereńdetý maqsatynda Qazaqstanmen tyǵyz saiasi dialogty qoldaýǵa daiyn ekenin málimdedi.
Óz kezeginde, Ǵ. Qoishybaev qazaqstandyq taraptyń Qytaimen ózara tiimdi yntymaqtastyqty damytýǵa jáne tereńdetýge daiyndyǵyn rastai otyryp, jańa laýazymda ekijaqty strategiialyq áriptestikti jańa sapaly deńgeige kóterý úshin barlyq kúsh-jigerin salatynyna sendirdi.
