Biyl Qazaqstan eksporty 72,2 mlrd AQSh dollaryna deiin ósedi. Bul týraly búgin Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Ulttyq banktiń boljamy boiynsha eksport 72,2 mlrd AQSh dollaryna deiin ósýde. Import 40,2 mlrd AQSh dollardy quraidy. Infliatsiia 8-10 paiyz dálizde anyqtaldy. Túzetilgen makroekonomikalyq boljamnyń negizinde biýdjet kiristeri boiynsha boljam naqtylandy. Respýblikalyq biýdjettiń kiristeri 2022 jyly 10,2 trln teńge kóleminde baǵalanady, bul bekitilgen jospardan 955 mlrd teńgege joǵary. Kiristerdiń negizgi ulǵaiý munaiǵa boljamdy baǵanyń ósýi jáne AQSh dollaryna teńge baǵamynyń ózgerýi aiasynda baj mólsherlemesiniń artýy esebinen munaiǵa eksporttyq kedendik baj, sondai-aq makroekonomikalyq kórsetkishterdiń ósýi esebinen korporativtik tabys salyǵy boiynsha kútilýde», - dedi Álibek Qýantyrov.
Onyń aitýynsha, Prezident qoiǵan mindetterdi iske asyrý jáne respýblikalyq biýdjettiń teńgerimdiligin qamtamasyz etý maqsatynda 2022 jylǵa bekitilgen Ulttyq qordan kepildendirilgen transferttiń mólsherin 1,6 trln teńgege ulǵaityp, 4 trln teńgege deiin túzetý usynylady.
«Qordaǵy azaitylmaityn qaldyq jalpy ishki ónimge qatysty 31,9 paiyz deńgeiinde nemese bekitilgen boljamǵa 0,8 paiyzdyq tarmaqqa artyq boljanady. Valiýtalyq aktivter 55,9 mlrd AQSh dollary deńgeiinde baǵalanýda», - dedi ministr.
