Qazaqstan jáne EAEO zańnamalarynda belgilengen karantin talaptary buzylǵany úshin 8 myń tonnadan astam ónim eksporttaýshy elderge keri qaitaryldy, dep habarlaidy "Ult aqparat" AShM baspasóz qyzmetine silteme jasap.
Agroónerkásiptik keshendegi memlekettik inspektsiia komiteti málimetinshe, biylǵy jyldyń úsh aiynyń qorytyndysy boiynsha elimizge ákelingen joǵarǵy táýekeldegi fitosanitariialyq karantindik ónimge qarasty tekseris nátijesinde, 800-den astam zań buzýshylyq anyqtalǵan. Onyń ishinde 110 fakt karantin obektileri retinde tirkelgen bolsa, 500-den astamynda tiisti qujaty sáikes kelmegen nemese múldem joq bolyp shyqqan.
Osyǵan orai, Qazaqstan jáne EAEO zańnamasynda belgilengen karantin talaptarynyń buzylýyna bailanysty, eksporttaýshy elderge 8 myńnan astam tonna ónim keri qaitaryldy. Qaitarylǵan ónimniń kólemi boiynsha eksporttaýshy elder kóshin Qytai (6 022,2) men Resei Federatsiiasy (1 136,2) bastap tur. Odan bólek Ózbekstan (439,2 tonna), Qyrǵyzstan (307,4 tonna), Ázerbaijan (303,6 tonna), Iran (243 tonna) jáne Túrikmenstan (212,5 tonna).
Ónimderdiń basym kópshiligi qyzanaq, burysh jáne arpa ónimderi. Onda qyzanaq jemisiniń qońyr ájim virýsy, aramsoiaý, batys gúl tripsi, Komstok qurty jáne taǵyda basqa karantin obektileri anyqtaldy.
Aita ketsek, talaptardy buzǵan tarap ákimshilik jaýapkershilikke tartylyp, 37 mln teńgege jýyq aiyppul salyndy.
