قازاقستان جەنە ەاەو زاڭنامالارىندا بەلگٸلەنگەن كارانتين تالاپتارى بۇزىلعانى ٷشٸن 8 مىڭ توننادان استام ٶنٸم ەكسپورتتاۋشى ەلدەرگە كەرٸ قايتارىلدى, دەپ حابارلايدى "ۇلت اقپارات" اشم باسپاسٶز قىزمەتٸنە سٸلتەمە جاساپ.
اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸ مەلٸمەتٸنشە, بيىلعى جىلدىڭ ٷش ايىنىڭ قورىتىندىسى بويىنشا ەلٸمٸزگە ەكەلٸنگەن جوعارعى تەۋەكەلدەگٸ فيتوسانيتارييالىق كارانتيندٸك ٶنٸمگە قاراستى تەكسەرٸس نەتيجەسٸندە, 800-دەن استام زاڭ بۇزۋشىلىق انىقتالعان. ونىڭ ٸشٸندە 110 فاكت كارانتين وبەكتٸلەرٸ رەتٸندە تٸركەلگەن بولسا, 500-دەن استامىندا تيٸستٸ قۇجاتى سەيكەس كەلمەگەن نەمەسە مٷلدەم جوق بولىپ شىققان.
وسىعان وراي, قازاقستان جەنە ەاەو زاڭناماسىندا بەلگٸلەنگەن كارانتين تالاپتارىنىڭ بۇزىلۋىنا بايلانىستى, ەكسپورتتاۋشى ەلدەرگە 8 مىڭنان استام توننا ٶنٸم كەرٸ قايتارىلدى. قايتارىلعان ٶنٸمنٸڭ كٶلەمٸ بويىنشا ەكسپورتتاۋشى ەلدەر كٶشٸن قىتاي (6 022,2) مەن رەسەي فەدەراتسيياسى (1 136,2) باستاپ تۇر. ودان بٶلەك ٶزبەكستان (439,2 توننا), قىرعىزستان (307,4 توننا), ەزەربايجان (303,6 توننا), يران (243 توننا) جەنە تٷرٸكمەنستان (212,5 توننا).
ٶنٸمدەردٸڭ باسىم كٶپشٸلٸگٸ قىزاناق, بۇرىش جەنە ارپا ٶنٸمدەرٸ. وندا قىزاناق جەمٸسٸنٸڭ قوڭىر ەجٸم ۆيرۋسى, ارامسوياۋ, باتىس گٷل تريپسٸ, كومستوك قۇرتى جەنە تاعىدا باسقا كارانتين وبەكتٸلەرٸ انىقتالدى.
ايتا كەتسەك, تالاپتاردى بۇزعان تاراپ ەكٸمشٸلٸك جاۋاپكەرشٸلٸككە تارتىلىپ, 37 ملن تەڭگەگە جۋىق ايىپپۇل سالىندى.
