Qazaqstan eki reispen Ýkrainaǵa gýmanitarlyq kómek jiberedi, - dep habarlaidy Tengrinews.kz tilshisi.
"Halyqaralyq gýmanitarlyq kómek máseleleri jónindegi komissiia otyrysynyń hattamasyn, sondai-aq, Qazaqstan Respýblikasy Prezidentiniń tapsyrmasyn oryndaý maqsatynda QR Densaýlyq saqtaý ministrligi Ýkrainaǵa gýmanitarlyq kómek jiberedi.
QR Úkimeti janyndaǵy halyqaralyq gýmanitarlyq kómek kórsetý máseleleri jónindegi komissiia Ýkraina halqyna meditsinalyq preparattar jiberý týraly sheshim qabyldady. QR Densaýlyq saqtaý ministrligi Indýstriia jáne infraqurylymdyq damý ministrligimen birlesip, Almaty - Katovitse (Polsha) baǵyty boiynsha gýmanitarlyq júkti áýe kemesimen jetkizý máselesin qarastyrdy", - delingen habarlamada.
Ýkraina azamattaryna gýmanitarlyq kómek 2022 jyly 14 jáne 15 naýryzda Almaty qalasynyń áýejaiynan eki reispen jiberiledi.
"Gýmanitarlyq kómektiń jalpy salmaǵy 28,2 tonna bolady jáne 17 túrli dári-dármek: antibiotikter, qabynýǵa qarsy, antitýssiv jáne antigiperteziv dáriler", - delingen habarlamada.
