QR Úkimetinde ótken baspasóz konferentsiiasynda QR ulttyq ekonomika vitse-ministri Jaslan Mádiev Qazaqstannyń «Doing Business» reitingindegi pozitsiialarynyń jaqsarýyna áser etken, atqarylǵan jumystar týraly aityp berdi, dep habarlaidy primeminister.kz saity.
Eske sala keteiik, ótken aptada Dúniejúzilik bank Doing Business biznes júrgizýdiń jeńildigi boiynsha jyl saiynǵy reitingti jariialady, onda Qazaqstan 28-den 25-orynǵa deiin 3 tarmaqqa kóterilgen.
J. Mádievtiń aitýynsha, Qazaqstan 3 pozitsiiaǵa joǵarylap, álemniń 190 eliniń arasynda biznesti júrgizý boiynsha TOP-25 eldiń qataryna kirdi, bul Úkimettiń jyldan jylǵa biznesti damytý úshin qolaily jaǵdai jasaýǵa baǵyttalǵan sharalarynyń áreketti bolyp kelgenin kórsetti.
Qazaqstan 79,7 baly bar Germaniiadan keiin yqtimal 100 baldyń 79,6 balyna ie boldy. Qazaqstan Avstriiadan, Japoniiadan, Ispaniiadan, Frantsiiadan, Shveitsariiadan jáne TMD elderinen ozdy.
Sonymen qatar, J. Mádiev 2016 jyly «Nur Otan» partiiasynyń XVII sezinde 2021 jylǵa qarai «Doing Business» reitinginiń TOP-25 eliniń qataryna kirý mindeti qoiylǵanyn eske saldy. Búginde, osy mindet 2019 jyly oryndaldy.
«Baldar sany boiynsha biz 79,6 ball alǵan Kanada jáne Irlandiiamen teń pozitsiiadamyz. Olar reitingde 23 jáne 24-oryndarǵa ie», — dedi J. Mádiev.
Sońǵy eki jylda Qazaqstan 11 pozitsiiaǵa joǵarylady (2017 jyly – 36-oryn, 2018 jyly – 28-oryn). Bul Úkimettiń 2014 jyldan bastap zańnamalyq bastamalardyń 7 toptamasy sheńberinde qabyldanǵan reformalarynyń rekordty nátijelerin kórsetedi.
Reitingtiń nátijelerine sáikes Qazaqstan 10 negizgi baǵyttyń 3-ýi boiynsha joǵarylady jáne «Sharttardyń oryndalýyn qamtamasyz etý» indikatory boiynsha álemdegi tórtinshi ornyn saqtap qaldy.
Qazaqstan «Kredit alý» (+35 pozitsiia), «Kásiporyndardy tirkeý» (+14 pozitsiia), «Elektrmen jabdyqtaý júiesine qosylý» (+9 pozitsiia) indikatorlary boiynsha aitarlyqtai ósim kórsetti.
Qazaqstan iske asyrǵan negizgi reformalar:
-
«Astana-1» elektrondyq kedendik deklaratsiialaý júiesin engizý;
-
Qosymsha qun salyǵyn tirkeý ýaqyty 5-ten 1 jumys kúnine deiin qysqardy;
-
Zańdy tulǵalardyń paidasyna qarai óteý týraly sot aktisin oryndaýǵa ýaqyt shyǵyny 231 kúnnen 64 kúnge qysqartyldy;
-
Tapsyrys berýshide jer ýchaskesine quqyǵy bolǵan jaǵdaida jergilikti atqarýshy organdardan qurylysqa qosymsha ruqsat alý qajettiligi alyp tastaldy;
-
Shotty onlain ashqannan keiin bankke barý qajettiligi alyp tastaldy, bul kompaniialarǵa shotty ashqan sátten bastap ony qashyqtyqtan paidalanýǵa múmkindik beredi;
-
«Sot kabineti» servisi sheńberinde úiden nemese keńseden shyqpai sotqa talap aryz (shaǵym, ótinish, pikir, qarsy talap aryz nemese ótinish) berý jáne onlain rejimde memlekettik baj tóleý múmkindigi usynylǵan.
Bul rette, zańnamalyq bastamalardyń ázirlenip jatqan 8-toptamasy sheńberinde mynalar usynylady:
-
Elektr jelilerine qosylý boiynsha «Bir terezeni» engizý;
-
QQS tóleýshisi retinde tirkeý bir kúnniń ishinde elektrondyq ótinim boiynsha ǵana jasalady;
-
HQKO-ǵa kelmei jeke kabinette kompaniianyń elektrondyq tsifrlyq qoltańbasyn alý;
-
JShS músheleri arasynda daýlardy (tyǵyryqty jaǵdailardy) sheshý tetigin engizý;
-
Elektr jelilerine qosylýǵa ótinishti elektrondyq túrde berý júiesin engizý;
-
QMJ bastaǵany týraly MSQB basqarmasyna jáne jol politsiiasyna habarlama berý rásimin alyp tastaý;
-
Sáýlet-josparlaý tapsyrmasy, topografiiasy jáne tehnikalyq sharttary bar jer ýchaskelerin berý;
-
Táýekeli tómen qurylys jobalaryn mindetti saraptamadan alyp tastaý.
«Qabyldanyp jatqan sharalar kásipkerlik áleýetti ashýǵa, biznes ahýaldy qalyptastyrýǵa múmkindik beredi. Iskerlik ahýaldy jaqsartý shaǵyn jáne orta kásipkerliktiń ósýin qamtamasyz etedi, bul eldiń ekonomikalyq ósýine jáne halyqtyń ál-aýqatynyń jaqsarýyna járdemdesedi», — dedi vitse-ministr.
Kásipkerlik qyzmet jónindegi zańnama 2014 jyly Kásipkerlik qyzmetti memlekettik retteý tujyrymdamasyn, al 2015 jyly Kásipkerlik kodeksti qabyldai otyryp reformalanǵan bolatyn. Sonymen qatar, 5 jyl boiy «Doing Business» reitingi sheńberinde biznesti damytý úshin qolaily jaǵdai jasaýǵa baǵyttalǵan zańnamalyq bastamalardyń 7 toptamasy qabyldandy.
«Biz osymen toqtap qalmaimyz, bizdiń órshil maqsatymyz – Qazaqstanda biznes úshin eń úzdik jaǵdaidy jasaý jáne “Doing Business” reitinginiń TOP-20 úzdik elderiniń halyqaralyq baǵasyn alý», — dep túiindedi QR ulttyq ekonomika vitse-ministri Jaslan Mádiev.
