قر ٷكٸمەتٸندە ٶتكەن باسپاسٶز كونفەرەنتسيياسىندا قر ۇلتتىق ەكونوميكا ۆيتسە-مينيسترٸ جاسلان مەديەۆ قازاقستاننىڭ «Doing Business» رەيتينگٸندەگٸ پوزيتسييالارىنىڭ جاقسارۋىنا ەسەر ەتكەن, اتقارىلعان جۇمىستار تۋرالى ايتىپ بەردٸ, دەپ حابارلايدى primeminister.kz سايتى.
ەسكە سالا كەتەيٸك, ٶتكەن اپتادا دٷنيەجٷزٸلٸك بانك Doing Business بيزنەس جٷرگٸزۋدٸڭ جەڭٸلدٸگٸ بويىنشا جىل سايىنعى رەيتينگتٸ جارييالادى, وندا قازاقستان 28-دەن 25-ورىنعا دەيٸن 3 تارماققا كٶتەرٸلگەن.
ج. مەديەۆتٸڭ ايتۋىنشا, قازاقستان 3 پوزيتسيياعا جوعارىلاپ, ەلەمنٸڭ 190 ەلٸنٸڭ اراسىندا بيزنەستٸ جٷرگٸزۋ بويىنشا توپ-25 ەلدٸڭ قاتارىنا كٸردٸ, بۇل ٷكٸمەتتٸڭ جىلدان جىلعا بيزنەستٸ دامىتۋ ٷشٸن قولايلى جاعداي جاساۋعا باعىتتالعان شارالارىنىڭ ەرەكەتتٸ بولىپ كەلگەنٸن كٶرسەتتٸ.
قازاقستان 79,7 بالى بار گەرمانييادان كەيٸن ىقتيمال 100 بالدىڭ 79,6 بالىنا يە بولدى. قازاقستان اۆسترييادان, جاپونييادان, يسپانييادان, فرانتسييادان, شۆەيتسارييادان جەنە تمد ەلدەرٸنەن وزدى.
سونىمەن قاتار, ج. مەديەۆ 2016 جىلى «Nur Otan» پارتيياسىنىڭ XVII سەزٸندە 2021 جىلعا قاراي «Doing Business» رەيتينگٸنٸڭ توپ-25 ەلٸنٸڭ قاتارىنا كٸرۋ مٸندەتٸ قويىلعانىن ەسكە سالدى. بٷگٸندە, وسى مٸندەت 2019 جىلى ورىندالدى.
«بالدار سانى بويىنشا بٸز 79,6 بالل العان كانادا جەنە يرلاندييامەن تەڭ پوزيتسييادامىز. ولار رەيتينگدە 23 جەنە 24-ورىندارعا يە», — دەدٸ ج. مەديەۆ.
سوڭعى ەكٸ جىلدا قازاقستان 11 پوزيتسيياعا جوعارىلادى (2017 جىلى – 36-ورىن, 2018 جىلى – 28-ورىن). بۇل ٷكٸمەتتٸڭ 2014 جىلدان باستاپ زاڭنامالىق باستامالاردىڭ 7 توپتاماسى شەڭبەرٸندە قابىلدانعان رەفورمالارىنىڭ رەكوردتى نەتيجەلەرٸن كٶرسەتەدٸ.
رەيتينگتٸڭ نەتيجەلەرٸنە سەيكەس قازاقستان 10 نەگٸزگٸ باعىتتىڭ 3-ۋٸ بويىنشا جوعارىلادى جەنە «شارتتاردىڭ ورىندالۋىن قامتاماسىز ەتۋ» ينديكاتورى بويىنشا ەلەمدەگٸ تٶرتٸنشٸ ورنىن ساقتاپ قالدى.
قازاقستان «كرەديت الۋ» (+35 پوزيتسييا), «كەسٸپورىنداردى تٸركەۋ» (+14 پوزيتسييا), «ەلەكترمەن جابدىقتاۋ جٷيەسٸنە قوسىلۋ» (+9 پوزيتسييا) ينديكاتورلارى بويىنشا ايتارلىقتاي ٶسٸم كٶرسەتتٸ.
قازاقستان ٸسكە اسىرعان نەگٸزگٸ رەفورمالار:
-
«استانا-1» ەلەكتروندىق كەدەندٸك دەكلاراتسييالاۋ جٷيەسٸن ەنگٸزۋ;
-
قوسىمشا قۇن سالىعىن تٸركەۋ ۋاقىتى 5-تەن 1 جۇمىس كٷنٸنە دەيٸن قىسقاردى;
-
زاڭدى تۇلعالاردىڭ پايداسىنا قاراي ٶتەۋ تۋرالى سوت اكتٸسٸن ورىنداۋعا ۋاقىت شىعىنى 231 كٷننەن 64 كٷنگە قىسقارتىلدى;
-
تاپسىرىس بەرۋشٸدە جەر ۋچاسكەسٸنە قۇقىعى بولعان جاعدايدا جەرگٸلٸكتٸ اتقارۋشى ورگانداردان قۇرىلىسقا قوسىمشا رۇقسات الۋ قاجەتتٸلٸگٸ الىپ تاستالدى;
-
شوتتى ونلاين اشقاننان كەيٸن بانككە بارۋ قاجەتتٸلٸگٸ الىپ تاستالدى, بۇل كومپانييالارعا شوتتى اشقان سەتتەن باستاپ ونى قاشىقتىقتان پايدالانۋعا مٷمكٸندٸك بەرەدٸ;
-
«سوت كابينەتٸ» سەرۆيسٸ شەڭبەرٸندە ٷيدەن نەمەسە كەڭسەدەن شىقپاي سوتقا تالاپ ارىز (شاعىم, ٶتٸنٸش, پٸكٸر, قارسى تالاپ ارىز نەمەسە ٶتٸنٸش) بەرۋ جەنە ونلاين رەجيمدە مەملەكەتتٸك باج تٶلەۋ مٷمكٸندٸگٸ ۇسىنىلعان.
بۇل رەتتە, زاڭنامالىق باستامالاردىڭ ەزٸرلەنٸپ جاتقان 8-توپتاماسى شەڭبەرٸندە مىنالار ۇسىنىلادى:
-
ەلەكتر جەلٸلەرٸنە قوسىلۋ بويىنشا «بٸر تەرەزەنٸ» ەنگٸزۋ;
-
ققس تٶلەۋشٸسٸ رەتٸندە تٸركەۋ بٸر كٷننٸڭ ٸشٸندە ەلەكتروندىق ٶتٸنٸم بويىنشا عانا جاسالادى;
-
حقكو-عا كەلمەي جەكە كابينەتتە كومپانييانىڭ ەلەكتروندىق تسيفرلىق قولتاڭباسىن الۋ;
-
جشس مٷشەلەرٸ اراسىندا داۋلاردى (تىعىرىقتى جاعدايلاردى) شەشۋ تەتٸگٸن ەنگٸزۋ;
-
ەلەكتر جەلٸلەرٸنە قوسىلۋعا ٶتٸنٸشتٸ ەلەكتروندىق تٷردە بەرۋ جٷيەسٸن ەنگٸزۋ;
-
قمج باستاعانى تۋرالى مسقب باسقارماسىنا جەنە جول پوليتسيياسىنا حابارلاما بەرۋ رەسٸمٸن الىپ تاستاۋ;
-
سەۋلەت-جوسپارلاۋ تاپسىرماسى, توپوگرافيياسى جەنە تەحنيكالىق شارتتارى بار جەر ۋچاسكەلەرٸن بەرۋ;
-
تەۋەكەلٸ تٶمەن قۇرىلىس جوبالارىن مٸندەتتٸ ساراپتامادان الىپ تاستاۋ.
«قابىلدانىپ جاتقان شارالار كەسٸپكەرلٸك ەلەۋەتتٸ اشۋعا, بيزنەس احۋالدى قالىپتاستىرۋعا مٷمكٸندٸك بەرەدٸ. ٸسكەرلٸك احۋالدى جاقسارتۋ شاعىن جەنە ورتا كەسٸپكەرلٸكتٸڭ ٶسۋٸن قامتاماسىز ەتەدٸ, بۇل ەلدٸڭ ەكونوميكالىق ٶسۋٸنە جەنە حالىقتىڭ ەل-اۋقاتىنىڭ جاقسارۋىنا جەردەمدەسەدٸ», — دەدٸ ۆيتسە-مينيستر.
كەسٸپكەرلٸك قىزمەت جٶنٸندەگٸ زاڭناما 2014 جىلى كەسٸپكەرلٸك قىزمەتتٸ مەملەكەتتٸك رەتتەۋ تۇجىرىمداماسىن, ال 2015 جىلى كەسٸپكەرلٸك كودەكستٸ قابىلداي وتىرىپ رەفورمالانعان بولاتىن. سونىمەن قاتار, 5 جىل بويى «Doing Business» رەيتينگٸ شەڭبەرٸندە بيزنەستٸ دامىتۋ ٷشٸن قولايلى جاعداي جاساۋعا باعىتتالعان زاڭنامالىق باستامالاردىڭ 7 توپتاماسى قابىلداندى.
«بٸز وسىمەن توقتاپ قالمايمىز, بٸزدٸڭ ٶرشٸل ماقساتىمىز – قازاقستاندا بيزنەس ٷشٸن ەڭ ٷزدٸك جاعدايدى جاساۋ جەنە “Doing Business” رەيتينگٸنٸڭ توپ-20 ٷزدٸك ەلدەرٸنٸڭ حالىقارالىق باعاسىن الۋ», — دەپ تٷيٸندەدٸ قر ۇلتتىق ەكونوميكا ۆيتسە-مينيسترٸ جاسلان مەديەۆ.
