QR Energetika ministri Nurlan Noǵaev jumys saparymen Pavlodar oblysyna bardy, dep habarlaidy "Ult aqparat".
Atalǵan vedomstvo baspasóz qyzmetiniń málimetinshe, ministr sapar barysynda óńir basshysy Ábilqaiyr Sqaqovpen birge eki jylý elektr ortalyǵynda, Pavlodar munai-himiia zaýytynda jáne «Neftehim LTD» JShS-da boldy.
«Qazaqstan aliýminiii» AQ quramyna kiretin JEO-3-te delegatsiiaǵa qalany elektrmen jáne jylýmen jabdyqtaý týraly aityp berildi. Búginde 50 jyldan astam tarihy bar kásiporyn óz qyzmetkerlerine barynsha qolaily jaǵdai jasaýǵa tyrysýda. Bul óz kezeginde jas kadrlardy qyzyqtyrýǵa jáne tartýǵa múmkindik beredi.
«Pavlodarenergo» AQ bólimshesi sanalatyn JEO-3-te Nurlan Noǵaev pen Ábilqaiyr Sqaqovqa negizgi jabdyqtardy jańartý týraly baiandaldy.
«Neftehim LTD» JShS bazasynda Energetika ministri jáne Pavlodar oblysynyń ákimi metil-tret-býtil efir jáne polipropilen óndirý tsehtarynda boldy.
Biyl zaýyt polipropilen shyǵarý kólemin 40 myń tonnaǵa deiin jetkizýdi josparlap otyr. Byltyr jáne ótken jyldaǵy bul kórsetkish shamamen 33 myń tonnany quraǵan.
Kelesi sapar Pavlodar munai-himiia zaýyty boldy. Zaýyt avtomobil benzini, TS-1 markaly reaktivti qozǵaltqyshtarǵa arnalǵan otyn, dizel otyny, qazandyq otyny (mazýt), munai koksy, jol bitýmy jáne taǵy basqa óndiriseen ainalysady.
Sapar barysynda Nurlan Noǵaev jýrnalisterdiń suraqtaryna jaýap bere otyryp, Energetika ministrliginiń josparlary týraly aityp berdi.
«Biz qysqy jáne arktikalyq otyndy qospaǵanda, dizel otynyn importtaýǵa tyiym salýdy kelesi jyldyń sáýirine deiin uzartýdy josparlap otyrmyz. Bul másele boiynsha túpkilikti sheshim áli qabyldanbady. Biraq ishki naryqty dizel otynymen toltyrý úshin alǵysharttar bar ekenin atap ótkim keledi. Jalpy alǵanda, elimiz ben Úkimet basshylyǵynyń arqasynda pandemiia kezinde memlekettik organdar qoimalardyń tolyp ketýine jol bermeý úshin sharalar qabyldaǵanyn atap ótkim keledi. Osyǵan bailanysty, biz zaýyttarymyzdyń toqtap qalýyna jol bermedik jáne ishki janar-jaǵarmai naryǵynda teńgerimdi saqtap qaldyq», - dedi Nurlan Noǵaev.
