QR Premer-Ministriniń orynbasary – Syrtqy ister ministri Muhtar Tileýberdi bastaǵan qazaqstandyq delegatsiia Niý-Iorkte (AQSh) ótetin Birikken Ulttar Uiymy Bas Assambleiasynyń 76-sessiiasynyń joǵary deńgeidegi aptalyǵynyń jumysyna qatysýda.
BUU BA aǵymdaǵy sessiiasynyń taqyryby «Jaqsylyqqa senimmen ómirge tózimdilikti nyǵaitý». Kún tártibindegi negizgi máseleler COVID-19 pandemiiasymen kúres, jahandyq qaýipsizdik pen turaqtylyq, ornyqty damý, sondai-aq klimattyń ózgerýi máseleleri boldy. Aýǵanstandaǵy jaǵdaiǵa erekshe nazar aýdarylatyn bolady.
Sessiia sheńberinde joǵary deńgeidegi birqatar is-sharalar, onyń ishinde Azyq-túlik júieleri jónindegi sammit, Energetika jónindegi joǵary deńgeidegi dialog, COVID-19 jónindegi Jahandyq sammit, Teńizge shyǵa almaityn damýshy elder tobyna múshe memleketterdiń ministrlik kezdesýi, Iadrolyq synaqtarǵa jan-jaqty tyiym salý týraly sharttyń kúshine enýine járdemdesý jónindegi ministrlik konferentsiia ótedi.
Qazirgi sessiia gibridti rejimde ótýde. Niý-Iorkke 120-ǵa jýyq shet memleketterdiń ókilderi kelip, pikirtalastarǵa qatysady. Bas halyqaralyq minberden álemge 196 BUU-ǵa múshe elder jáne baiqaýshylardyń memleket, úkimet, syrtqy saiasi vedomstvolarynyń basshylary men joǵary ókilderi sóz sóileidi. Qazaqstan Respýblikasynyń atynan beine úndeý formatynda Memleket basshysy Qasym-Jomart Toqaev sóz sóileidi.
Qazaqstannyń syrtqy saiasi vedomstvosy basshysynyń baǵdarlamasynda birqatar ekijaqty kezdesýler men kópjaqty is-sharalarǵa qatysý josparlanǵan. Birinshi kúni Ministr M.Tileýberdi Litva syrtqy ister ministri Gabrieliýs Landsbergis, Singapýr Syrtqy ister ministri Vivian Balakrishnan, Aýstriia Syrtqy ister ministri Aleksandr Shallenberg, Siriia Syrtqy ister ministri Feisal Mikdad jáne Chernogoriia Syrtqy ister ministri Djordje Radýlovichpen ekijaqty bólek kelissózder júrgizdi. Sonymen qatar, Ministr Aýstriia Kantsleri Sebastian Kýrts uiymdastyrǵan «Aýǵanstan halqyn, ásirese Aýǵanstan men óńirdegi áielder men balalardy qorǵaý» Aýǵanstan boiynsha joǵary deńgeidegi dóńgelek ústelge qatysty.
