QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komiteti jabaiy tabiǵatqa 4160 jek-dýadaqty jiberdi. Bul týraly komitettiń baspasóz hatshysy Sáken Dildahmet Facebook-paraqshasynda jazdy, dep habarlaidy "Ult aqparat".
Jumystar Jek-dýadaqty qorǵaý halyqaralyq qorymen birlesip atqarylǵan. Jek-dýadaqtyń 3236-y Birikken Arab Ámirlikteriniń, al 924-i Qazaqstannyń tálimbaqtarynda (Túrkistan oblysy) ósirilgen.
«Qustar Almaty, Mańǵystaý, Túrkistan men Qyzylorda oblysynyń aýmaǵyna jiberildi. Jalpy 2009-2019 jyldar aralyǵynda Qazaqstannyń tabiǵatyna 20 489 jek-dýadaq jiberilgen. Praktikalyq baqylaýǵa qaraǵanda olardyń 50 paiyzy tirshilikke beiimdelip kete alady», - dep jazady Sáken Dildahmet.
Jalpy jek-dýadaqtar 2009 jyldan beri qazaq dalasyna jiberilip keledi. Aziia popýliatsiiasynyń qustary osyndaǵy jaǵdaiǵa beiimdelip, kúzdigúni qysty ótkizý úshin ushyp ketedi. Jyly jaqtan oralǵannan keiin kóktemde qaityp kelip, osynda balapandaidy. Qustyń bul túri Qazaqstannyń Qyzyl kitabyna engizilgen. Olardyń joiylyp ketý qaýpi bar.
