قر ەكولوگييا, گەولوگييا جەنە تابيعي رەسۋرستار مينيسترلٸگٸ ورمان شارۋاشىلىعى جەنە جانۋارلار دٷنيەسٸ كوميتەتٸ جابايى تابيعاتقا 4160 جەك-دۋاداقتى جٸبەردٸ. بۇل تۋرالى كوميتەتتٸڭ باسپاسٶز حاتشىسى سەكەن دٸلداحمەت Facebook-پاراقشاسىندا جازدى, دەپ حابارلايدى "ۇلت اقپارات".
جۇمىستار جەك-دۋاداقتى قورعاۋ حالىقارالىق قورىمەن بٸرلەسٸپ اتقارىلعان. جەك-دۋاداقتىڭ 3236-ى بٸرٸككەن اراب ەمٸرلٸكتەرٸنٸڭ, ال 924-ٸ قازاقستاننىڭ تەلٸمباقتارىندا (تٷركٸستان وبلىسى) ٶسٸرٸلگەن.
«قۇستار الماتى, ماڭعىستاۋ, تٷركٸستان مەن قىزىلوردا وبلىسىنىڭ اۋماعىنا جٸبەرٸلدٸ. جالپى 2009-2019 جىلدار ارالىعىندا قازاقستاننىڭ تابيعاتىنا 20 489 جەك-دۋاداق جٸبەرٸلگەن. پراكتيكالىق باقىلاۋعا قاراعاندا ولاردىڭ 50 پايىزى تٸرشٸلٸككە بەيٸمدەلٸپ كەتە الادى», - دەپ جازادى سەكەن دٸلداحمەت.
جالپى جەك-دۋاداقتار 2009 جىلدان بەرٸ قازاق دالاسىنا جٸبەرٸلٸپ كەلەدٸ. ازييا پوپۋلياتسيياسىنىڭ قۇستارى وسىنداعى جاعدايعا بەيٸمدەلٸپ, كٷزدٸگٷنٸ قىستى ٶتكٸزۋ ٷشٸن ۇشىپ كەتەدٸ. جىلى جاقتان ورالعاننان كەيٸن كٶكتەمدە قايتىپ كەلٸپ, وسىندا بالاپاندايدى. قۇستىڭ بۇل تٷرٸ قازاقستاننىڭ قىزىل كٸتابىنا ەنگٸزٸلگەن. ولاردىڭ جويىلىپ كەتۋ قاۋپٸ بار.
