COVID-19 vaktsinasynyń 4 nusqasyn synaqtan ótkizýde. Bul týraly Dárilik zattardy, meditsinalyq buiymdardy jáne tehnikany saraptaý ulttyq ortalyǵynyń bas direktory Arnur Nurtaev aitty, dep habarlaidy "Ult aqparat".
«Biz úmittenip otyrǵan tórt vaktsina tańdalyp alyndy. Onyń ekeýin Ulttyq biotehnologiia ortalyǵy, taǵy ekeýin Biologiialyq qaýipsizdik problemalary boiynsha ǵylymi-zertteý institýty ázirledi. Bul vaktsinalardy ázirleý jumysy edáýir ýaqytty alady. Daiyndaý men synaqtan ótkizý ýaqyty úsh jylǵa deiin sozylady. Qazirdiń ózinde jumys bastalyp ketkenimen otandyq vaktsina qashan daiyn bolýy múmkin degen suraqtyń baryn bilemiz. Bizdiń oiymyzsha buǵan úsh jyl kerek», - dedi Arnur Nurtaev Densaýlyq saqtaý ministrliginiń Facebook paraqshasynda sóilegen sózinde.
Ol sonymen qatar álemde qazirgi tańda Qytai men Eýropadaǵy ártúrli kompaniia jeti úmitker-vaktsina ázirlep jatqanyn málim etti. Qazir vaktsinalar klinikalyq synaqtan ótýde.
Arnur Nurtaevtyń aitýyna qaraǵanda, álemde jasalyp jatqan bul vaktsinalar bir jarym jyldyń ishinde daiyn bolady.
