2020 jyly Qazaqstan nelikten aldyńǵy jyldan qaraǵanda azyraq eksporttady? Bul suraqqa «Kaspii Qubyr jelisi Konsortsiýmy-K» AQ bas direktory Nikolai Gorban jaýap berdi, dep habarlaidy QazAqparat tilshisi.
«Ózderińiz biletindei, 2020 jyldyń mamyr aiynan bastap OPEK+ uiymyna kiretin munai eksporttaýshy memleketter men uiymdar tamyz aiyna deiin munai óndirisin táýligine 9,7 mln barrelge deiin tómendetý týraly mámilege kelgen bolatyn. Osy sheshimdi maquldaǵan Qazaqstan Úkimeti ótken jyldyń mamyry men shildesi jáne tamyzy men jeltoqsany aralyǵynda óndiristi barlaý jáne júrgizý isine ýaqytsha shekteý qoidy», - dedi Nikolai Gorban Ortalyq kommýnikatsiialar qyzmetindegi baspasóz máslihatynda.
Osy shekteý byltyr qazaqstandyq júk jetkizýshileriniń munaidy jóneltý kestesine áser etken. Kontsortsiýmnyń Qara teńiz jaǵasyndaǵy terminalyna munaidy tiep, jóneltý kólemi azaiǵan.
Eske sala ketsek buǵan deiin Nikolai Gorban Qazaqstannan qansha kólemde munai eksporttalatynyn aityp bergen bolatyn.
«2020 jyldyń sońynda konsortsiýmnyń teńiz terminalynda 59 million tonnadan astam munai qabyldanyp, jóneltildi. Onyń 51,7 million tonnasy qazaqstandyq júk jóneltýshilerdiń úlesinde. Ókinishke qarai, bul jospardan shamamen 7 millionǵa tonnaǵa az. Iaǵni biz jospardyń 89,8%-yn ǵana oryndadyq, 572 tanker jónelttik», - dedi spiker.
