QR Premer-Ministri Asqar Mamin QR Prezidenti janyndaǵy Tsifrlandyrýdy engizý máseleleri jónindegi komissiia otyrysyn ótkizdi, dep habarlaidy primeminister.kz.
«Tsifrlyq Qazaqstan» baǵdarlamasyn iske asyrý boiynsha atqarylyp jatqan jumystar týraly tsifrlyq damý, innovatsiialar jáne aeroǵarysh ónerkásibi ministri A. Jumaǵaliev, «Indýstriia 4.0» elementterin jáne «Modeldik tsifrlyq fabrikalar» jobasyn damytý týraly indýstriia jáne infraqurylymdyq damý ministri B. Atamqulov, munai-gaz jáne ýran salalaryn tsifrlandyrý týraly energetika ministri N. Noǵaev, memlekettik organdar jumysyndaǵy qaǵazdaǵy qujat ainalymyn shekteý týraly mádeniet jáne sport ministri A. Raiymqulova baiandady.
2018-2019 jj. «Tsifrlyq Qazaqstan» memlekettik baǵdarlamasyn júzege asyrýdyń jalpy ekonomikalyq tiimdiligi 802,5 mlrd teńgeni qurady, negizinen elektrondyq kommertsiianyń jáne onymen aralas salalardyń belsendi damýynyń arqasynda 120 myń jumys orny quryldy. «Tsifrlyq Qazaqstan» aiasynda 58 zań men 11 kodekstiń 700 normasyna ózgerister men túzetýler engizildi.
BUU reitinginde Qazaqstan elektrondyq úkimetti damytý boiynsha 39-oryndy, «onlain qyzmet kórsetý» indikatory boiynsha 26-oryndy, kiberqaýipsizdik deńgeii boiynsha 40-oryndy ielendi. Qazaqstan internetke qoljetimdilik boiynsha álemdegi kóshbasshylardyń biri — QR-da 1 Gb quny $0,49, halyqty qamtý – 84,2% quraidy, al mysaly, Ýkrainada atalǵan kórsetkishter – $0,51/62,5%, Qytaida – $9,89/61,2%, AQSh-ta – $12,37/87,3%. Qazaqstan halqynyń tsifrlyq saýattylyq deńgeii 82,1%-ǵa jetti. Elimizde memlekettik qyzmetterdiń 83,7%-y onlain-rejimde kórsetiledi, 7 myńǵa jýyq AT-kompaniia tirkelgen.
Kásiporyndarda «modeldi tsifrlyq fabrikalardy» ashý jumystary júrgizilýde, bul eńbek ónimdiligin 25%-ǵa, resýrs tiimdiligin 18%-ǵa, jabdyqtyń qyzmet etý merzimin 5%-ǵa arttyrýǵa, óndiristik shyǵyndardy 20%-ǵa, eńbek shyǵyndaryn 30%-ǵa, energiia shyǵyndaryn 35%-ǵa tómendetýge múmkindik beredi. Mysaly, osyndai tsifrlyq fabrikalar «Kentaý transformator zaýyty» AQ, «Eurasian Foods» AQ, «Almaty jeldetkishter zaýyty» JShS, «Himfarm» AQ, «Karlskrona» JShS, «Altynalmas» AQ jáne «Bal Tekstil» JShS-de ashyldy.
«Tsifrlyq Qazaqstan» memlekettik baǵdarlamasyn odan ári ózekti etý aiasynda ártúrli salalarda 10 tehnologiialyq platformany engizý josparlanǵan, atap aitsaq: Govtech, Smart city, Industry 4.0, Agritech, Blockchain, Space-Geotech, AI (jasandy zerde), E-Industry, Fintech, Greentech. Olar daiyn tehnikalyq infraqurylymdy, ashyq derekterdiń úlken massivterin, sondai-aq otandyq AT-kompaniialar men startaptar úshin ázirleý jáne taldaý júielerin shoǵyrlandyrady.
Otyrysqa qatysýshylar robottardy, úlken derekterdi jáne jasandy zerdeni qoldana otyryp, óndiris protsesterin avtomattandyrýǵa baǵyttalǵan «Indýstriia 4.0» tehnologiialyq platformasyn damytý máselesine erekshe kóńil bóldi.
Platforma qarjylyq, aqparattyq servisterdi, saýda alańdaryn jáne tehnologiialar transferti júielerin, birinshi kezekte taý-ken metallýrgiialyq jáne otyn-energetika keshenderi, óńdeý ónerkásibi kásiporyndary úshin biriktiredi. Ony qurý aiasynda Smart Industry Management taldamalyq bazasyn engizý, salanyń iri kásiporyndarymen korporativtik innovatsiialar júiesin damytý jáne basqa da sharalar qabyldaý josparlanǵan.
Úkimet basshysy Indýstriia jáne infraqurylymdyq damý ministrligine bir ai merzimde Indýstriia 4.0 elementterin damytý jáne «Modeldi tsifrlyq fabrikalar» jobasyn keńeitý boiynsha retteýshi jáne yntalandyrýshy sharalar kesheni boiynsha is-sharalar josparyn ázirleýdi tapsyrdy.
Energetika ministrligine osy jyldyń sońyna deiin kómirsýtegi shikizaty boiynsha jer qoinaýyn paidalaný quqyǵyn berýge aýktsiondar ótkizý júiesin iske qosýdy qamtamasyz etý, keiinnen protsestiń barlyq kezeńderinde qaǵaz formatyn shekteý, sondai-aq shiki munai men gaz kondensatyn esepke alýdyń aqparattyq júiesin engizýdi jedeldetý tapsyryldy.
