Qazaqstan Respýblikasynyń Jenevadaǵy BUU bólimshesi jáne basqa da halyqaralyq uiymdar janyndaǵy Turaqty ókili Erlan Álimbaev BUU Joǵarǵy komissary Mishel Bachelettiń álemdegi adam quqyqtarynyń jaǵdaiy týraly negizgi baiandamasy boiynsha ótken Adam quqyqtary jónindegi keńesiniń 49-shy sessiiasynyń jalpy pikirtalastaryna qatysty.
Bul týraly Syrtqy ister ministrliginiń baspasóz qyzmeti habarlady.
BUU bas quqyq qorǵaý organynyń alańynda Qazaqstannyń Turaqty ókili qańtar oqiǵalaryna jan-jaqty jáne transparentti tergeýdi qamtamasyz etý boiynsha elimizde qabyldanyp jatqan sharalar, sondai-aq «Jańa Qazaqstan» qurylysy sheńberinde júrgizilip jatqan reformalar men halyqtyń ómirlik mańyzy bar áleýmettik-ekonomikalyq problemalaryn sheshý boiynsha Memleket basshysynyń bastamalary týraly aqparat usyndy.
M.Bachelettiń baiandamasyna Eýroodaq jáne Liýksembýrg delegatsiialary óz málimdemelerinde qazaqstandyq biliktiń qoiylǵan maqsattarǵa qol jetkizýge beiildiligin atap ótip, qańtar oqiǵalaryna ashyq jáne táýelsiz tergeýdi qamtamasyz etýge shaqyrdy.
Qazaqstandyq diplomat atap ótkendei, Keńestiń tolyqqandy jáne jaýapty múshesi retinde Qazaqstan BUU-nyń Adam quqyqtary jónindegi Joǵarǵy komissar basqarmasymen jáne arnaiy rásimderimen turaqty dialogty qoldaidy, sondai-aq eldegi adam quqyqtaryn qorǵaý maqsatynda halyqaralyq úkimettik emes uiymdarmen belsendi ózara is-qimyl jasaidy.
