«Óńirlik deńgeidegi jahandyq Qazaqstan Bolon protsesinde jáne Eýroodaq jobalarynda» halyqaralyq onlain forýmy bastaldy. Oǵan AQSh, Túrkiia, Latviia, Polsha, Bolgariia, Ýkraina, Ońtústik Koreia elderindegi joǵary bilim berý salalarynyń sarapshylary qatysýda, dep habarlaidy QazAqparat.
«Forýmnyń basty maqsaty – Qazaqstannyń Bolon protsesine 10 jyl qatysýy jáne EO Tempýs jáne Erazmýs + baǵdarlamalaryna 25 jyl qatysýynyń qorytyndysyn shyǵarý. Sondai-aq, Qazaqstandaǵy jáne Orta Aziia aimaǵynda joǵary bilimdi ári qarai damytý joldaryn anyqtaý», - deidi QR Bilim jáne ǵylym ministri Ashat Aimaǵambetov.
Onyń aitýynsha, forýmǵa bilim berý salasyndaǵy halyqaralyq sarapshylardyń óte bedeldi komandasy jinalǵan.
«Eki kún boiy jaqsy baiandamalar jasalatyn bolady. Forýmǵa AQSh, Túrkiia, Latviia, Polsha, Bolgariia, Ýkraina, Ońtústik Koreia elderindegi joǵary bilim berý salalarynyń sarapshylary qatysýda. Bul forým Ortalyq Aziia elderiniń bilim berý júieleriniń integratsiiasyna, Bolon protsesiniń qaǵidattaryn óńirde engizýge jáne bizdiń elimizdegi joǵarǵy bilim berý sapasyn odan ári arttyrýǵa yqpal etedi dep senemin. Barshalaryńyzǵa jemisti eńbek tileimin», - deidi ol.
Is-sharaǵa akademiialyq elita ókilderi, ýniversitetter men álemge áigili qaýymdastyqtardyń, memlekettik organdar men qoǵamdyq uiymdardyń basshylary, eýropalyq sarapshylar, onyń ishinde Eýropalyq Komissiianyń, Eýropalyq Keńestiń, Bolon protsesi hatshylyǵynyń (BFUG) ókilderi qatysady.
Forýmda Bolon protsesiniń printsipterin taratý, jańa mindetter turǵysynan joǵary bilim berýdi damytýdyń jańa tendentsiialary, ýniversitetterdiń avtonomiiasyn keńeitý, innovatsiialyq jáne tsifrlyq ekojúieni qalyptastyrý, sondai-aq Ortalyq Aziia bilim berý habyn qalyptastyrý máselelerin talqylaý josparlanýda.
