Foto: Stan.kz kollajy
Litvanyń Kaýnas qalasynda bokstan Algirdas Shotsikas atyndaǵy halyqaralyq týrnirde Qazaqstan quramasy oljaly boldy, dep habarlaidy «Ult aqparat» Stan.kz aqparat agenttigine silteme jasap.
Finalda 9 qazaqstandyq boksshy sharshy alańǵa shyqsa, sonyń altaýy altyn medal jeńip aldy.
Bul qatarda 57 kelige deiingi salmaqta Asyljan Serikbai ýkrainalyq Denis Rozdolskidi eki ret nokdaýnǵa jiberip, aiqyn basymdylyqpen utty.
Sonymen qatar irlandiialyq Paýl Heil Djon jekpe-jekten bas tartqandyqtan, Jandos Qydyráliev (63,5 keli) taǵy bir altynǵa qol jetkizdi. Qorǵanysta saýatty qimyldap, shabýylda shiraqtyq tanytqaniinbai Elnur Súiinbai (67 keli) polshalyq Kirill Globenkodan ailasyn asyrdy.
Farýh Toqtasynov (71 keli) sońǵy básekesin de qarqyndy ótkizip, ýkrainalyq Maksim Molodanǵa esh múmkindik bergen joq. Azamat Bektas (75 keli) poliak Mihal Iarlinskidiń álsiz tusyn taýyp, júldeli boldy. Tursynbai Qulahmet (80 keli) aǵylshyn Ramtin Mýsadan bir bas joǵary ekenin dáleldedi.
Budan bólek Nursultan Altynbek (54 keli) sońǵy aiqasta ýkrainalyq Ivan Zavadskiige, Almat Ábdýáli (60 keli) latviialyq Matveis Prokýdinske, Abzal Quttybekov (86 keli) aǵylshyn Isaak Ohoǵa tóreshiler sheshimimen jol berdi.
Nátijesinde, qazaqstandyq boksshylar bul jarysta 6 altyn, 3 kúmis, 2 qola júldeni ielendi.
Eske salaiyq, buǵan deiin Daniial Sábit (51 keli) pen Amanat Sabyrǵali (+92 keli) qolamen shektelgen edi.
