Úkimet úiindegi baspasóz máslihatynda QR Aýyl sharýashylyǵy ministri Saparhan Omarov biyl Qazaqstan qai elderge astyq eksporttaitynyn aitty, dep habarlaidy "Ult aqparat".
«Biylǵy astyqtyń boljamdy jalpy jinalymy 18 mln tonna deńgeiinde josparlanyp otyr. Qazirgi kezde 11,5 mln tonna bastyryldy», - dedi ministr.
Sonymen qatar baspasóz máslihatynda biylǵy marketingilik jylda qansha astyq eksporttalatyny týraly suraq qoiyldy.
Saparhan Omarovtyń aitýynsha, biyl astyq ekvivalentinde 7-8 mln tonna kóleminde astyq pen un eksportynyń áleýeti bolady.
«Eksport baǵytynda bizdiń negizgi seriktes elder qamtylady, iaǵni Ózbekstan, Tájikstan, Qyǵyzstan, Túrikmenstan, Aýǵanstan men Iran memleketterine tasymaldanady. Qytaiǵa qarai astyq pen un eksporty kólemin arttyrýdy josparlap otyrmyz. Joǵaryda atalyp ótkendei, biyl 18 mln tonna astyq jinalsa, osy kólemniń tiisti bóligi osy naryqtarǵa baǵyttalady», - dedi vedomstvo basshysy.
