ٷكٸمەت ٷيٸندەگٸ باسپاسٶز مەسليحاتىندا قر اۋىل شارۋاشىلىعى مينيسترٸ ساپارحان وماروۆ بيىل قازاقستان قاي ەلدەرگە استىق ەكسپورتتايتىنىن ايتتى, دەپ حابارلايدى "ۇلت اقپارات".
«بيىلعى استىقتىڭ بولجامدى جالپى جينالىمى 18 ملن توننا دەڭگەيٸندە جوسپارلانىپ وتىر. قازٸرگٸ كەزدە 11,5 ملن توننا باستىرىلدى», - دەدٸ مينيستر.
سونىمەن قاتار باسپاسٶز مەسليحاتىندا بيىلعى ماركەتينگٸلٸك جىلدا قانشا استىق ەكسپورتتالاتىنى تۋرالى سۇراق قويىلدى.
ساپارحان وماروۆتىڭ ايتۋىنشا, بيىل استىق ەكۆيۆالەنتٸندە 7-8 ملن توننا كٶلەمٸندە استىق پەن ۇن ەكسپورتىنىڭ ەلەۋەتٸ بولادى.
«ەكسپورت باعىتىندا بٸزدٸڭ نەگٸزگٸ سەرٸكتەس ەلدەر قامتىلادى, ياعني ٶزبەكستان, تەجٸكستان, قىعىزستان, تٷرٸكمەنستان, اۋعانستان مەن يران مەملەكەتتەرٸنە تاسىمالدانادى. قىتايعا قاراي استىق پەن ۇن ەكسپورتى كٶلەمٸن ارتتىرۋدى جوسپارلاپ وتىرمىز. جوعارىدا اتالىپ ٶتكەندەي, بيىل 18 ملن توننا استىق جينالسا, وسى كٶلەمنٸڭ تيٸستٸ بٶلٸگٸ وسى نارىقتارعا باعىتتالادى», - دەدٸ ۆەدومستۆو باسشىسى.
