Biyl elimiz shamamen 18-18,5 mln tonna astyq bastyrýdy josparlap otyr. Bul týraly QR Aýyl sharýashylyǵy ministri Saparhan Omarov esep berý kezdesýinde aitty, dep habarlaidy QazAqparat.
«Biyl shamamen 18-18,5 mln tonna astyq bastyramyz degen josparymyz bar», - dedi ministr Ortalyq komýnikatsiialar qyzmetindegi brifing barysynda.
Al QR Aýyl sharýashylyǵy birinshi vitse-ministri Aidarbek Saparov astyq túsimine kóktemgi egistik jumystarynan bastap, jaiqalyp ósken dándi daqyldy bastyrýǵa deiingi aralyqty qamtityn kóptegen faktordyń áser etetindigin alǵa tartady.
«Sondyqtan memleket tarapynan sýbsidiialaý, arzandatylǵan dizel otynymen qamtamasyz etý, kreditteý syndy qajetti jaǵdai jasalyp, barlyǵy der ýaqytynda sheshildi. Buǵan qosa, «Qarapaiym zattar ekonomikasy» aiasynda qosymsha 100 mlrd teńge bólinip otyr. Jaqsy ónim alý úshin eń aldymen agrotehnologiiany saqtaý qajet. Agrotehnologiia - bul eń aldymen sapaly tuqym, tyńaitqysh jáne tehnika. Bul máselelerdiń barlyǵy eń joǵary deńgeide sheshilip jatyr», - dedi birinshi vitse-ministr.
